ന്യൂഡല്‍ഹി: പട്ടത്തിന്റെ നൂല്‍ കഴുത്തില്‍ കുടുങ്ങി ബൈക്ക് യാത്രികനായ 18കാരന് ദാരുണാന്ത്യം. ഗാന്ധി വിഹാറില്‍ താമസിക്കുന്ന രവി കുമാര്‍ എന്ന പതിനെട്ടു വയസുകാരനാണ് മരിച്ചത്. ഉച്ചയ്ക്ക് മാര്‍ക്കറ്റില്‍ പോകുന്നതിനിടെയാണ് അപകടം ഉണ്ടായത്.
പട്ടത്തിന്റെ നൂല്‍ മരത്തില്‍ നിന്ന് റോഡിലേക്ക് തൂങ്ങിക്കിടക്കുകയായിരുന്നുവെന്ന് ദൃക്സാക്ഷികള്‍ പറയുന്നു. ഇത് കഴുത്തില്‍ കുടുങ്ങുകയും മുറിവുണ്ടാവുകയും ചെയ്തതാണ് മരണ കാരണം. എന്നാല്‍ ഈ നൂല്‍ എങ്ങനെ കഴുത്തില്‍ ചുറ്റിയെന്നാണ് പോലീസ് അന്വേഷിക്കുന്നത്. ഡല്‍ഹിയിലെ തിമാര്‍പുറിലാണ് ഈ സംഭവം നടന്നത്. കൗമാരക്കാരന്റെ കഴുത്തില്‍ കുടുങ്ങിയത് മൂര്‍ച്ചയേറിയ ചൈനീസ് മഞ്ചയാണെന്നാണ് സംശയം.
Post Your Comments