കൊടുവള്ളി: സ്വകാര്യ ബസിൽ വിദ്യാർഥിക്ക് ക്രൂര മർദ്ദനം ഏറ്റു. കണ്‍സഷന്‍ നിരക്കില്‍ സ്വകാര്യ ബസില്‍ യാത്ര ചെയ്ത വിദ്യാര്‍ഥി സീറ്റില്‍ ഇരുന്നതിന്‍റെ പേരില്‍ ബസ് ജീവനക്കാരന്‍ മര്‍ദ്ദിച്ചതായി പരാതി. കാരന്തൂര്‍ മര്‍ക്കസ് ഹയര്‍ സെക്കൻഡറി സ്‌കൂള്‍ പ്ലസ് ടു വിദ്യാര്‍ഥി ആരാമ്പ്രം ആലുംകണ്ടിയില്‍ മുഹമ്മദിന്‍റെ മകന്‍ ബാസിത് ജസീര്‍ (17) നാണ് മര്‍ദ്ദനമേറ്റത്.
സംഭവത്തിൽ ജസീര്‍ ബാലാവകാശ കമ്മീഷന് ചെയര്‍മാന് പരാതി നല്‍കിയിരിക്കയാണ്. മാര്‍ച്ച് 19ന് ഉച്ചക്ക് കോഴിക്കോട്- കുന്നമംഗലം സിഎം മഖാം -നരിക്കുനി റൂട്ടിലോടുന്ന സ്വകാര്യ ബസിലാണ് കേസിനാസ്പദമായ സംഭവം നടന്നത്.
സീറ്റിലിരുന്ന കുട്ടിയെ യാത്രക്കാരുടെ ഇടയില്‍ വെച്ച് അസഭ്യം പറയുകയും സീറ്റില്‍ നിന്നും പിടിച്ച് പുറത്തിട്ട് ദേഹോപദ്രവം ഏല്‍പ്പിക്കുകയും ചെയ്തതായി വിദ്യാര്‍ഥി ബാലാവകാശ കമ്മീഷന് നല്‍കിയ പരാതിയില്‍ പറയുന്നു. ബോധം നശിച്ച ജസീറിനെ സഹപാഠികള്‍ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയും ചികിത്സ തേടുകയും ചെയ്തതായും പരാതിയിൽ പറയുന്നു.
Post Your Comments