CricketLatest News

പരിശീലന സെഷനിലെ ധോണിയുടെ അസാന്നിദ്ധ്യം; നിരാശരായി ചെന്നൈ ആരാധകര്‍

ചെന്നൈ: ഐപിഎല്ലില്‍ പ്ലേ ഓഫ് ഉറപ്പിച്ച ചെന്നൈ സൂപ്പര്‍ കിംഗ്‌സ് ഡല്‍ഹി ക്യാപ്പിറ്റല്‍സിനെ നേരിടാനിരിക്കെ ചെന്നൈ ആരാധകരെ നിരാശരാക്കി പരിശീലന സെഷനില്‍ എം എസ് ധോണിയുടെ അസാന്നിധ്യം. ഇന്നലെ ചെപ്പോക്കില്‍ പരിശീലനത്തിനിറങ്ങിയ ചെന്നൈ ടീമിനൊപ്പം ധോണിയുണ്ടായിരുന്നില്ല എന്നതാണ് ആരാധകരെ നിരാശരാക്കിയത്.

പനിമൂലം കഴിഞ്ഞ മത്സരത്തില്‍ നിന്ന് ധോണിയും ജഡേജയും വിട്ടുനിന്നിരുന്നു. എന്നാല്‍ ജഡേജ മൂന്നു മണിക്കൂര്‍ നീണ്ട പരിശീലന സെഷനില്‍ പങ്കെടുത്തിരുന്നു. ഡല്‍ഹി-ചെന്നൈ മത്സരത്തിലെ വിജയികളായിരിക്കും പോയന്റ് പട്ടികയില്‍ ഒന്നാം സ്ഥാനക്കാരാവുക. ഇരുടീമുകള്‍ക്കും നിലവില്‍ 16 പോയന്റ് വീതമാണുള്ളത്. ജഡേജയും ധോണിയുമില്ലാതെ ഇറങ്ങിയ ചെന്നൈ മുംബൈ ഇന്ത്യന്‍സിനെതിരായ മത്സരം ദയനീയമായി തോറ്റിരുന്നു. ഇതാണ് ആരാധകരില്‍ ആശങ്കയ്ക്കിടയാക്കിയത്. ധോണിയുടെ അഭാവത്തില്‍ മുംബൈക്കെതിരെ അംബാട്ടി റായുഡുവായിരുന്നു ചെന്നൈയുടെ വിക്കറ്റ് കീപ്പര്‍.

ഈസ്റ്റ് കോസ്റ്റ് ഡെയ്ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Tags

Related Articles

Post Your Comments


Back to top button
Close
Close