മലപ്പുറം: മലപ്പുറം കോട്ടക്കുന്നില്‍ വീണ്ടും മണ്ണിടിച്ചിലിന് സാധ്യതയുള്ളതായി ജിയോളജി വകുപ്പ്. ഇവിടെയുണ്ടായ മണ്ണിടിച്ചിലില്‍ മൂന്നുപേര്‍ മരിച്ചിരുന്നു. തുടര്‍ച്ചയായി മഴ പെയ്യുമ്പോള്‍ ഇനിയും മണ്ണിടിച്ചില്‍ ഉണ്ടാകാനുള്ള സാധ്യത കൂടുതലാണെന്ന് റിപ്പോര്‍ട്ടില്‍ പറയുന്നു. ഇതേതുടര്‍ന്ന് പ്രദേശത്തെ അനധികൃത കെട്ടിങ്ങള്‍ പൊളിക്കുമെന്നു നഗരസഭ വ്യക്തമാക്കിയിട്ടുണ്ട്.
അപകടമുണ്ടായ കോട്ടക്കുന്നിലെത്തി ജിയോളജി- റവന്യൂ ഉദ്യോഗസ്ഥര്‍ പരിശോധന നടത്തിയിരുന്നു. കോട്ടക്കുന്നിന്റെ പടിഞ്ഞാറ്, വടക്ക് ഭാഗങ്ങള്‍ വാസയോഗ്യമല്ലെന്ന് ഉദ്യോഗസ്ഥര്‍ പറഞ്ഞു. അപകടം നടന്ന സ്ഥലത്തിനടുത്ത് വിള്ളല്‍ കണ്ടെത്തിയതിനാല്‍ കൂടുതല്‍ പരിശോധന വേണമെന്നാണ് റവന്യൂ -ജിയോളജി അധികൃതരുടെ നിലപാട്
കോട്ടക്കുന്നിന്റെ രണ്ട് ഭാഗങ്ങളില്‍ താമസിക്കുന്ന നാല്‍പതോളം കുടുംബങ്ങളെ ഇതിനോടകം തന്നെ മാറ്റി പാര്‍പ്പിച്ചിട്ടുണ്ട്. ഈ പ്രദേശത്തിന്റെ പരിസരത്തുള്ള പല
കെട്ടിടങ്ങളും നിര്‍മ്മാണ പ്രവര്‍ത്തികളും അനുമതിയില്ലാത്തതാണെന്ന് നഗരസഭ വ്യക്തമാക്കി. ഇത്തരം കെട്ടിടങ്ങള്‍ കണ്ടെത്തി ഉടന്‍ പൊളിച്ചുമാറ്റുമെന്നും നഗരസഭ ചെയര്‍പേഴ്‌സണ്‍ സി എച്ച് ജമീല അറിയിച്ചു.
ALSO READ: മനുഷയ്ക്ക് അച്ഛനമ്മമാരായി ജിതേഷും താരയും; ഒപ്പം അലിവുള്ള മനസുമായി ജിജുവും
Post Your Comments