Latest NewsInternational

ചാ​വേ​ര്‍ ആ​ക്ര​മ​ണം; അ​ഫ്ഗാ​നി​സ്ഥാ​ന്‍ സ്വാ​ത​ന്ത്ര്യ ദി​നാ​ഘോ​ഷം മാ​റ്റി​വ​ച്ചു

ഒരു കിലോമീറ്റര്‍ അകലെ വരെ സ്‌ഫോടനശബ്ദം കേട്ടതായി സമീപവാസികള്‍ പറഞ്ഞു.

കാ​ബൂ​ള്‍: കാ​ബൂ​ള്‍ ചാ​വേ​ര്‍ ആ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ല്‍ അ​ഫ്ഗാ​നി​സ്ഥാ​ന്‍ സ്വാ​ത​ന്ത്ര്യ ദി​നാ​ഘോ​ഷം മാ​റ്റി​വ​ച്ചു. ദാ​രു​ള്‍ അ​മാ​ന്‍ കൊ​ട്ടാ​ര​ത്തി​ന്‍റെ ഉ​ദ്ഘാ​ട​ന​വും മാ​റ്റി​വ​ച്ച​താ​യി അ​ധി​കൃ​ത​ര്‍ അ​റി​യി​ച്ചു. പ​ടി​ഞ്ഞാ​റ​ന്‍ കാ​ബൂ​ളി​ല്‍ വി​വാ​ഹാ​ഘോ​ഷ​ച്ച​ട​ങ്ങി​ല്‍ പ​ങ്കെ​ടു​ത്ത​വ​രെ ല​ക്ഷ്യ​മി​ട്ട് ചാ​വേ​ര്‍ ഭ​ട​ന്‍ ന​ട​ത്തി​യ സ്ഫോ​ട​ന​ത്തി​ല്‍ 63 പേ​ര്‍ കൊ​ല്ല​പ്പെ​ടു​ക​യും 182 പേ​ര്‍​ക്കു പ​രി​ക്കേ​ല്‍​ക്കു​ക​യും ചെ​യ്തിരുന്നു. പ്രദേശത്തെ ഒരു വിവാഹ ചടങ്ങിനിടെയാണ് സ്‌ഫോടനം ഉണ്ടായത്. പരുക്ക് പറ്റിയവരില്‍ പലരുടെയും നില ഗുരുതരമെന്നും വിവരമുണ്ട്. ഒരു കിലോമീറ്റര്‍ അകലെ വരെ സ്‌ഫോടനശബ്ദം കേട്ടതായി സമീപവാസികള്‍ പറഞ്ഞു.

നിരവധി പേര്‍ പങ്കെടുത്ത വിവാഹ ചടങ്ങ് നടന്ന ഹാളിലാണ് സ്‌ഫോടനം ഉണ്ടായത്. ഹാളിലേക്ക് കടന്ന ചാവേര്‍ പൊട്ടിത്തെറിക്കുകയായിരുന്നു. പടിഞ്ഞാറന്‍ കാബൂളിലെ ദുബായ് സിറ്റി ഹാളില്‍ ശനിയാഴ്ച അര്‍ധരാത്രിയോടെയാണ് സ്‌ഫോടനം ഉണ്ടായത്. അതേസമയം സ്‌ഫോടനത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. കാബൂളില്‍ ഐ എസും താലിബാനും നിരന്തര ആക്രമണം നടത്തിവരികയാണ്.

കുട്ടികള്‍ കൂട്ടംകൂടി നിന്നിരുന്ന സ്റ്റേജിന് സമീപമാണ് സ്‌ഫോടനം ഉണ്ടായത്. ആയിരക്കണക്കിന് ആള്‍ക്കാരെ വിവാഹത്തിന് ക്ഷണിച്ചിരുന്നുവെന്ന് വരന്റെ ബന്ധു പറയുന്നു. സ്‌ഫോടനത്തിന് പിന്നില്‍ ആരാണെന്നോ ഇതുമായി ബന്ധപ്പെട്ട മറ്റ് വിവരങ്ങളോ ലഭ്യമായിട്ടില്ലെന്നും അന്വേഷണം ആരംഭിച്ചിട്ടുണ്ടെന്നും ആഭ്യന്തരമന്ത്രാലയ വക്താവ് നുസ്‌റസത്ത് റഹിമി പറഞ്ഞു.

shortlink

Related Articles

Post Your Comments

Related Articles


Back to top button