മരടിലെ ഫ്ലാറ്റുകൾ ഒറ്റയടിക്കു പൊളിക്കാൻ സാധിക്കില്ല; കാരണം വ്യക്തമാക്കി ചീഫ് സെക്രട്ടറി

ന്യൂഡൽ‍ഹി: മരടിലെ ഫ്ലാറ്റുകൾ ഒറ്റയടിക്കു പൊളിക്കുന്നതു പരിസ്ഥിതി ദുരന്തമുണ്ടാക്കുമെന്ന് ചീഫ് സെക്രട്ടറി ടോം ജോസ്. സുപ്രീം കോടതിയിൽ സമർപ്പിച്ച സത്യവാങ്മൂലത്തിലാണ് ഇക്കാര്യം വ്യക്തമാക്കിയിരിക്കുന്നത്. ഇത്രയും വലിയ കെട്ടിടങ്ങൾ പൊളിക്കേണ്ടിവരുന്നത് ഇതാദ്യമാണ്. ബന്ധപ്പെട്ട വകുപ്പിന് വേണ്ടത്ര പരിചയസമ്പത്തില്ല. 4 കെട്ടിട‍ സമുച്ചയങ്ങളിലായി, 343 ഫ്ലാറ്റുകൾ ആണുള്ളത്. സമീപത്ത് മറ്റു കെട്ടിടങ്ങളുണ്ട്, കടലുണ്ട്, ജലാശയങ്ങളുണ്ട്. പൊളിച്ച മാലിന്യങ്ങൾ തള്ളുന്നതിനു സ്ഥലപരിമിതിയുണ്ടെന്നും അദ്ദേഹം അറിയിച്ചു.

Read also: സ്ഥിരം ഭരണഘടനാബെഞ്ച് ഒരുങ്ങുന്നു, പരമോന്നത കോടതിയുടെ എഴുപത് വർഷത്തെ ചരിത്രത്തിലാദ്യമായ നടപടി

അതേസമയം ചട്ടം ലംഘിച്ചു പണിത ഫ്ലാറ്റുകൾ പൊളിക്കുന്നതു സംബന്ധിച്ച കോടതി ഉത്തരവ് നടപ്പാക്കാൻ എല്ലാ നടപടികളും സ്വീകരിച്ചെന്നു ചീഫ് സെക്രട്ടറി വ്യക്തമാക്കി.കോടതിയുത്തരവു നടപ്പാക്കുന്നത് തന്റെ നിരീക്ഷണത്തിലായിരിക്കുമെന്നും അദ്ദേഹം അറിയിച്ചു.