ദുബായ്•8.8 ബില്യൺ ഡോളർ (32.3 ബില്യൺ ദിർഹം) വിലമതിക്കുന്ന 30 ബോയിംഗ് ഡ്രീംലൈനറുകൾ വാങ്ങുന്നതിനായി എമിറേറ്റ്സ് എയർലൈൻ കരാര്‍ ഒപ്പിട്ടതായി എമിറേറ്റ്സ് ഗ്രൂപ്പിന്റെയും, എമിറേറ്റ്സ് എയർലൈനിന്റെയും ചെയർമാൻ ഷെയ്ഖ് അഹമ്മദ് ബിൻ സയീദ് അൽ മക്തൂം പറഞ്ഞു.
ഷെയ്ഖ് അഹമ്മദും ബോയിംഗ് കമ്പനി എക്സിക്യൂട്ടീവ് വൈസ് പ്രസിഡന്റ് സ്റ്റാന്‍ലി ഡീലും ചേര്‍ന്ന് ദുബായ് എയർഷോ 2019 ലെ പത്രസമ്മേളനത്തിലാണ് കരാർ പ്രഖ്യാപിച്ചത്. നടന്നുകൊണ്ടിരിക്കുന്ന എയർഷോയ്ക്കിടെ അന്താരാഷ്ട്ര യാത്രക്കാരുടെ കാര്യത്തിൽ ലോകത്തിലെ ഏറ്റവും വലിയ വിമാനക്കമ്പനിയായ ദുബായ് ആസ്ഥാനമായുള്ള എമിറേറ്റ്സിന്റെ രണ്ടാമത്തെ മെഗാ ഓർഡറാണിത്.
ദുബായ് എയർഷോ 2019 ന്റെ രണ്ടാം ദിവസമായ തിങ്കളാഴ്ച 16 ബില്യൺ ഡോളർ (58.7 ബില്യൺ ദിർഹം) വിലമതിക്കുന്ന 50 എയർബസ് എ 350 വിമാനങ്ങൾക്ക് എമിറേറ്റ്സ് ഓര്‍ഡര്‍ നല്‍കിയിരുന്നു. എയര്‍ബസ് എ 380 വിമാനങ്ങളിലുള്ള ആശ്രയത്വം എമിറേറ്റ്സ് കുറയ്ക്കുന്നുവെന്ന സൂചനയാണ് ഈ ഓര്‍ഡര്‍ നല്‍കുന്നത്.
പുതിയ ഓർഡറോടെ എമിറേറ്റ്സിന്റെ നിലവിലുള്ള ഓർഡറുകൾ 24.8 ബില്യൺ ഡോളറായി (91 ബില്യൺ ദിർഹം) ഉയരും.
777 എക്സ് വിമാനങ്ങൾക്കായും ബോയിംഗുമായി സംസാരിക്കുകയാണെന്ന് ദുബായ് എയര്‍ഷോയില്‍ വച്ച് ഷെയ്ഖ് അഹമ്മദ് നേരത്തെ പറഞ്ഞിരുന്നു.
ദ്വിദിന ദുബായ് എയർഷോ 2019 ന്റെ ആദ്യ മൂന്ന് ദിവസങ്ങളിൽ, 170 ബില്യൺ ദിർഹത്തിൽ കൂടുതൽ കരാറുകള്‍ ഒപ്പുവച്ചു. ഇവയില്‍ കൂടുതലും പ്രാദേശിക വിമാനക്കമ്പനികളാണ്.
Post Your Comments