ഇടുക്കി: ജീപ്പപകടത്തിൽ പരിക്കേറ്റവരുമായി പോയ ആംബുലന്‍സും അപകടത്തില്‍പ്പെട്ടു. ഇടുക്കി ബൈസൺവാലിയിൽ നിന്നും തേനി മെഡിക്കൽ കോളേജിലേക്കു പോയ ആംബുലൻസ് തേനി ടൗണിൽ വെച്ച് ആണ് അപകടത്തിൽപ്പെട്ടത്.ഡ്രൈവർ രാജകുമാരി സ്വദേശി ജിന്‍റോയ്ക്ക് നേരിയ പരിക്കേറ്റു. തുടര്‍ന്ന് അവരെ മറ്റൊരു വാഹനത്തിലേക്ക് മാറ്റി ശേഷം ആശുപത്രിയിലെത്തിച്ചു.
ബൈസൺവാലിയിൽ തൊഴിലാളികളുമായി വന്ന ജീപ്പ് നിയന്ത്രണം വിട്ട് മറിഞ്ഞു രണ്ട് പേർ മരണപ്പെട്ടു. രാവിലെ എട്ടോടെ ഉണ്ടായ അപകടത്തിൽ സൂര്യനെല്ലി സ്വദേശി കാര്‍ത്തിക (45), അമല എന്നിവരാണ് മരിച്ചത്. പത്ത് പേർക്ക് പരിക്കേറ്റു. നാല് പേരുടെ നില ഗുരുതരമായി തുടരുന്നു. ജീപ്പില്‍ ആകെ 14 പേരാണ് ഉണ്ടായിരുന്നുവെന്നാണ് റിപ്പോർട്ട്. മേഖലയിൽ മൂന്ന് മാസം മുന്‍പുണ്ടായ സമാന അപകടത്തില്‍ മൂന്ന് പേരാണ് മരണപ്പെട്ടത്.
Post Your Comments