KeralaLatest NewsNewsIndia

പൗരത്വഭേദഗതിയിലെ പ്രശ്നങ്ങൾ വീടുകള്‍ തോറും കയറി ജനങ്ങളെ ബോധവല്‍ക്കരിക്കാനാണ് സിപിഎം തീരുമാനിച്ചിരിക്കുന്നതെന്നു സീതാറാം യെച്ചൂരി

തിരുവനന്തപുരം : പൗരത്വ നിയമ ഭേദഗതിയിലെ പ്രശ്നങ്ങൾ വീടുകള്‍ തോറും കയറി ജനങ്ങളെ ബോധവല്‍ക്കരിക്കാനുള്ള തീരുമാനത്തിൽ സിപിഎം എത്തിയെന്നു ജനറല്‍ സെക്രട്ടറി സീതാറാം യെച്ചൂരി പറഞ്ഞു. പൗരത്വരജിസ്റ്റര്‍ ജനസംഖ്യാ രജിസ്റ്റര്‍ എന്നിവയിലുള്ള പ്രശ്നങ്ങള്‍ ജനങ്ങളോട് വിശദീകരിക്കും. ജനസംഖ്യാ രജിസ്റ്ററുമായി ജനങ്ങളും, പൗരത്വഭേദഗതിയെ എതിര്‍ത്ത സംസ്ഥാനങ്ങളുടെ മുഖ്യമന്ത്രിമാരോട് ജനസംഖ്യാ രജിസ്റ്ററുമായി സഹകരിക്കരുതെന്നും സിപിഎം ആഹ്വാനം ചെയ്യുന്നതായി അദ്ദേഹം പറഞ്ഞു. അതേസമയം പൗരത്വഭേദഗതി നിയമത്തിനെതിരെ ദേശീയ തലത്തില്‍ യോജിച്ച പ്രക്ഷോഭം തുടരാനും സിപിഎം തീരുമാനിച്ചിട്ടുണ്ട്. സംഘടനാ സ്വാധീനമുള്ള കേരളത്തിലും ബംഗാളിലും ത്രിപുരയിലും യോജിച്ച പ്രതിഷേധങ്ങള്‍ തുടരുവാനും പാര്‍ട്ടി കേന്ദ്രക്കമ്മിറ്റിയില്‍ ധാരണയായി.

Also read : കേരളം ഒന്നാണ്, നമ്മൾ ഒറ്റക്കെട്ടാണ്; മുസ്ലീം ജമായത്ത് പള്ളിയിൽ വിവാഹിതരായ അഞ്ജുവിനും ശരത്തിനും ആശംസ നേർന്ന് മുഖ്യമന്ത്രി

തിരുവനന്തപുരത്ത് മൂന്ന് ദിവസങ്ങളിലായാണ് സിപിഎം കേന്ദ്ര കമ്മിറ്റി യോഗം ചേരുന്നത്. കഴിഞ്ഞ ദിവസം പൗരത്വ നിയമ ഭേദഗതിക്കെതിരായ പ്രതിഷേധങ്ങളിൽ കേരള ഘടകത്തിന് പ്രശംസയുമായി സിപിഎം ദേശീയ നേതൃത്വം രംഗത്തെത്തിയിരുന്നു. ദേശീയ തലത്തിൽ പൗരത്വ നിയമ ഭേദഗതിക്കെതിരായ കേരളത്തിന്‍റെ പ്രതിഷേധം നേട്ടമുണ്ടാക്കി. പൗരത്വ നിയമ ഭേദഗതിക്കെതിരായ നടന്ന പ്രതിഷേധങ്ങളിൽ കേരളം ബംഗാൾ ത്രിപുര എന്നിവിടങ്ങളിൽ സിപിഎം മുന്നിലെത്തിയെന്നും മറ്റ് സംസ്ഥാനങ്ങൾ കേരള മോഡൽ ഏറ്റെടുത്തെന്നും സിപിഎം കേന്ദ്ര കമ്മിറ്റി യോഗത്തിൽ വിലയിരുത്തി. കേരളത്തോട് കേന്ദ്രസര്‍ക്കാരിന് പലതലങ്ങളിൽ അവഗണനയാണെന്ന് നേതാക്കൾ ആരോപിച്ചു, പല കാര്യങ്ങളിലും സംസ്ഥാനത്തെ ഞെരുക്കാൻ കേന്ദ്ര സര്‍ക്കാര്‍ ശ്രമിക്കുകയാണെന്നും കേന്ദ്ര കമ്മിറ്റി വിമർശിച്ചിരുന്നു.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button