Latest NewsNewsIndia

അഞ്ച് വയസ്സുകാരിയെ ബലാത്സംഗം ചെയ്ത് കൊലപ്പെടുത്തിയ കേസില്‍ പ്രതിയ്ക്ക് ശിക്ഷ വിധിച്ചു

ചണ്ഡീഗഡ്: അഞ്ച് വയസ്സുകാരിയെ ക്രൂരമായി ബലാത്സംഗം ചെയ്ത് കൊലപ്പെടുത്തിയ കേസില്‍ പ്രതിയ്ക്ക് വധശിക്ഷ വിധിച്ച് കോടതി. ഹരിയാനയില്‍ 2018 ജൂണിലാണ് വിധിക്ക് ആസ്പദമായ സംഭവം നടന്നത്.

23 കാരനായ ഭോലു എന്ന് വിളിക്കുന്ന വീരേന്ദറിനെയാണ് കോടതി വധ ശിക്ഷയ്ക്ക് വിധിച്ചത്. ഇയാളുടെ ജോലിക്കാരന്റെ മകളാണ് കൊലപാതകത്തിന് ഇരയായ പെണ്‍കുട്ടി. ഡല്‍ഹി പല്‍വാല്‍ ജില്ല സ്വദേശിയായ പെണ്‍കുട്ടിയെ വീരേന്ദര്‍ തട്ടിക്കൊണ്ടുപോയി ബലാത്സംഗം ചെയ്തതിന് ശേഷം കുത്തി കൊലപ്പെടുത്തുകയായിരുന്നു.

ALSO READ: കോഴിക്കോട് സിഗരറ്റില്‍ ലഹരി മരുന്ന് ചേർത്തു നൽകി പതിനേഴുകാരിയെ ലൈംഗികമായി പീഡിപ്പിച്ചു; യുവാവ് പിടിയിൽ

കൊലപ്പെടുത്തിയ ശേഷം മൃതദേഹം ഗോതമ്പ് പൊടി ശേഖരിക്കുന്ന പാത്രത്തിനുള്ളില്‍ ഒളിപ്പിച്ചുവെയ്ക്കുകയായിരുന്നു. പെണ്‍കുട്ടിയുടെ പിതാവുമായി നടന്ന തര്‍ക്കത്തിനൊടുവിലാണ് വീരേന്ദര്‍ കുട്ടിയെ തട്ടിക്കൊണ്ടുപോകുകയും ബലാത്സംഗം ചെയ്ത് കൊലപ്പെടുത്തുകയും ചെയ്തത്. കൊലപാതകത്തിന് സഹായം നല്‍കിയതിന്റെ പേരില്‍ വീരേന്ദറിന്റെ അമ്മയ്ക്ക് കോടതി ഏഴുവര്‍ഷം തടവും 5000 രൂപ പിഴയും വിധിച്ചു.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button