ഫസ്റ്റ് ക്ലാസ് ക്രിക്കറ്റിലെ അരങ്ങേറ്റത്തില്‍ ആദ്യ ഓവറില്‍ തന്നെ ഹാട്രിക് നേടി ചരിത്രം രചിച്ചിരിക്കുകയാണ് മധ്യപ്രദേശ് താരം രവി യാദവ്. ഉത്തര്‍പ്രദേശിനെതിരായ രഞ്ജി ട്രോഫി മത്സരത്തിലാണ് 28കാരനായ രവി യാദവ് ഈ നേട്ടം കൈവരിച്ചത്. ഈ അപൂര്‍വ നേട്ടം സ്വന്തമാക്കുന്ന രണ്ടാമത്തെ താരമാണ് രവി യാദവ്.
ഉത്തര്‍പ്രദേശ് താരങ്ങളായ ആര്യന്‍ ജൂയാല്‍, അങ്കിത് രാജ്പുത്, സമീര്‍ റിസ്വി എന്നിവരെയാണ് രവി യാദവ് പുറത്താക്കിയത്. ഇതിന് മുന്‍പ് ഈ നേട്ടം സ്വന്തമാക്കിയത് ദക്ഷിണാഫ്രിക്കന്‍ താരമായ റിസ് ഫിലിപ്പ് ആണ്. 1939-40 ഫസ്റ്റ് ക്ലാസ് സീസണിലാണ് റിസ് ഫിലിപ്പ് ഈ നേട്ടം സ്വന്തമാക്കിയത്. അതെസമയം റിസ് ഫിലിപ്പ് അതിന് മുന്‍പ് കളിച്ച നാല് മത്സരങ്ങളില്‍ ബൗള്‍ ചെയ്തിരുന്നില്ല. നേരത്തെ 7 ഇന്ത്യന്‍ താരങ്ങള്‍ ഫസ്റ്റ് ക്ലാസ് ക്രിക്കറ്റിലെ അരങ്ങേറ്റത്തില്‍ ഹാട്രിക് നേടിയിരുന്നു. ജവഗല്‍ ശ്രീനാഥ്, സലില്‍ അംഗോള, അഭിമന്യു മിഥുന്‍ എന്നിവരും അരങ്ങേറ്റത്തില്‍ ഹാട്രിക് നേടിയവരാണ്.
Post Your Comments