ഇസ്ലാമബാദ്: കുട്ടികളെ ലൈംഗികമായി ദുരുപയോഗം ചെയ്യുകയോ പീഡിപ്പിച്ചു കൊലപ്പെടുത്തുകയോ ചെയ്ത കുറ്റവാളികളെ പരസ്യമായി തൂക്കിക്കൊല്ലാനുള്ള പ്രമേയം പാകിസ്ഥാൻ ദേശീയ അസംബ്ലി പാസാക്കി. പാർലമെന്ററി കാര്യ സഹമന്ത്രി അലി മുഹമ്മദ് ഖാൻ പ്രമേയം അവതരിപ്പിക്കുകയും പാകിസ്ഥാൻ പീപ്പിൾസ് പാർട്ടിയും (പിപിപി) കൂടാതെ എല്ലാ നിയമനിർമ്മാതാക്കളും പാസാക്കുകയും ചെയ്തുവെന്ന് ഡോൺ വാർത്ത റിപ്പോർട്ട് ചെയ്തു.
അതേസമയം ശിക്ഷകളുടെ കാഠിന്യം വർദ്ധിപ്പിക്കുന്നത് കുറ്റകൃത്യങ്ങൾ കുറയ്ക്കുന്നതിന് കാരണമാകില്ല എന്ന് പിപിപി നേതാവും മുൻ പ്രധാനമന്ത്രിയുമായ രാജ പർ‌വേസ് അഷ്‌റഫ് പറഞ്ഞു.“യുഎൻ നിയമങ്ങൾ ലംഘിക്കുന്നതിനാൽ പൊതു തൂക്കിക്കൊല്ലൽ പ്രയോഗത്തിൽ വരുത്താൻ കഴിയില്ല.” എന്നും അദ്ദേഹം അഭിപ്രായപ്പെട്ടു. അതേസമയം പ്രമേയം പാസാക്കുന്നതിനെതിരെ ശബ്ദമുയർത്തിയത് അദ്ദേഹം മാത്രമല്ല. ശാസ്ത്ര സാങ്കേതിക മന്ത്രി ഫവാദ് ചൗധരിയും ഇതിനെ ശക്തമായി അപലപിച്ചു.
“ഇത് ക്രൂരമായ നാഗരിക സമ്പ്രദായങ്ങൾക്ക് അനുസൃതമായ മറ്റൊരു പ്രാകൃതമായ പ്രവൃത്തി മാത്രമാണ്. സമൂഹങ്ങൾ സന്തുലിതമായാണ് പ്രവർത്തിക്കുന്നത്. ഇത്രയും ക്രൂരതകൾ കുറ്റകൃത്യങ്ങൾക്ക് ഉത്തരമല്ല … ഇത് തീവ്രവാദത്തിന്റെ മറ്റൊരു പ്രകടനമാണ്,” അദ്ദേഹം ട്വിറ്ററിൽ കുറിച്ചു.അതേസമയം, പ്രമേയം സർക്കാർ സ്പോൺസറല്ല, വ്യക്തിപരമായ നടപടിയാണെന്ന് മനുഷ്യാവകാശ മന്ത്രി ഷിരീൻ മസാരി വ്യക്തമാക്കി.
കഴിഞ്ഞ സെപ്റ്റംബറിൽ ബാലാവകാശ സംഘടനയായ സാഹിൽ പുറത്തുവിട്ട റിപ്പോർട്ടിൽ 1,304 കുട്ടികളെ ലൈംഗികമായി പീഡിപ്പിച്ച കേസുകൾ ജനുവരി മുതൽ ജൂൺ വരെ പാകിസ്ഥാനിൽ മാധ്യമങ്ങൾ റിപ്പോർട്ട് ചെയ്തിട്ടുണ്ട്. ഇതിനർത്ഥം ദിവസവും കുറഞ്ഞത് ഏഴ് കുട്ടികളെങ്കിലും ദുരുപയോഗം ചെയ്യപ്പെടുന്നു എന്നാണ്.
ഈ വിഷയം ഇത്രയും അധികരിച്ച സാഹചര്യത്തിൽ, അത്തരം കേസുകളുടെ അന്വേഷണത്തിലോ പ്രസക്തമായ നിയമങ്ങൾ നടപ്പാക്കുന്നതിലോ ഉള്ള കുറവുകൾ പരിഹരിക്കുന്നതിന് ശക്തമായ നടപടികളൊന്നും സർക്കാർ സ്വീകരിക്കുന്നില്ലെന്നും സഭയിൽ ആരോപണമുയർന്നു.
Post Your Comments