Indian Super LeagueLatest NewsNewsFootball

ഐഎസ്എൽ : അവസാന നിമിഷത്തെ ആവേശപ്പോര് ഫലം കണ്ടില്ല, മത്സരം അവസാനിച്ചത് സമനിലയിൽ

ഗുവാഹത്തി : അവസാന നിമിഷത്തെ ആവേശപ്പോര് ഫലം കണ്ടില്ല, നോർത്ത് ഈസ്റ്റ് യുണൈറ്റഡ് ജംഷെഡ്പൂർ എഫ് സി പോരാട്ടം അവസാനിച്ചത് സമനിലയിൽ. ആശ്വാസ ജയം ലക്ഷ്യമാക്കി ഇറങ്ങിയ ടീമുകൾ മൂന്ന് ഗോൾ വീതമാണ് നേടിയത്. ഫെഡറികോ ഗ്യാല്ലേഗോ, റെഡീം ട്യാങ്, ജോസ് ഡേവിഡ് എന്നിവർ നോർത്ത് ഈസ്റ്റിനായി ഗോളുകൾ നേടിയപ്പോൾ ഡേവിഡ് ഗ്രാൻഡെ, നോയി അക്കോസ്റ്റ, മെമോ എന്നിവർ ജാംഷെഡ്പൂരിനായി ഗോളുകൾ നേടി.

അതേസമയം തന്നെ ടീമിന് തിരിച്ചടിയായി 87ആം മിനിറ്റിൽ ഫാറൂഖ് ചൗധരി ചുവപ്പ് കാർഡ് കണ്ടു പുറത്തായി. ഈ മത്സരത്തോടെ നോർത്ത് ഈസ്റ്റ് യുണൈറ്റഡ് 15 മത്സരങ്ങളിൽ 13 പോയിന്റുമായി ഒൻപതാം സ്ഥാനത്തു തുടരുന്നു. 16മത്സരങ്ങളിൽ 17 പോയിന്റുമായി ഏഴാം സ്ഥാനത്താണ് ജംഷെഡ്പൂർ.

കഴിഞ്ഞ ദിവസം നടന്ന ബെംഗളൂരു എഫ് സി ചെന്നൈയിൻ എഫ് സി പോരാട്ടം സമനിലയിലാണ്. രണ്ടുകൂട്ടർക്കും ഒരു ഗോളുപോലും നേടാനായില്ല. 16മത്സരങ്ങളിൽ 29പോയിന്റുമായി ബെംഗളൂരു മൂന്നാം സ്ഥാനത്താണ്.15മത്സരങ്ങളിൽ 22പോയിന്റുമായി അഞ്ചാം സ്ഥാനത്തുള്ള ചെന്നൈയിൻ എഫ് സിയ്ക്ക് പ്ലേ ഓഫ് സാധ്യതകൾ പ്രതീക്ഷിക്കാം

shortlink

Related Articles

Post Your Comments

Related Articles


Back to top button