Latest NewsSaudi ArabiaNewsGulf

സൗദിയിൽ കോവിഡ് 19 വൈറസ് ബാധിച്ചവരുടെ എണ്ണം വർദ്ധിച്ചു : രണ്ടു പേർക്ക് അസുഖം ഭേദമായി

റിയാദ് : സൗദിയിൽ കോവിഡ് 19 വൈറസ് ബാധിച്ചവരുടെ എണ്ണം വർദ്ധിച്ചു. 15 പേരിൽ കൊറോണ സ്ഥിരീകരിച്ച വിവരം ഞായറാഴ്ച രാത്രി ആരോഗ്യ മന്ത്രാലയം പുറത്തു വിട്ടതോടെ രാജ്യത്തെ വൈറസ് ബാധിതരുടെ എണ്ണം 118 ആയി ഉയർന്നു. 12 സൗദി പൗരന്മാരിലും, ഓരോ ഫിലിപ്പീൻ, ഇന്തോനേഷ്യ, സ്‍പെയിൻ പൗരന്മാരിലുമാണ് പുതിയതായി രോഗബാധ കണ്ടെത്തിയത്.

ഹസൻ അബു സൈദ് (31) എന്നയാളെ രണ്ടാമത് അസുഖം ഭേദമായി ആശുപത്രി വിട്ടത്. ഇയാൾ ആദ്യം രോഗമുക്തി നേടിയ സൗദി കിഴക്കൻ പ്രവിശ്യയിലെ ഖത്വീഫ് സ്വദേശി ഹുസൈൻ അൽസറാഫിയുടെ നാട്ടുകാരനാണ്. ഖത്വീഫ് സെൻട്രൽ ആശുപത്രിയിൽ 14 ദിവസമായി ഐസൊലേറ്റ് ചെയ്യപ്പെട്ടിരിക്കുകയായിരുന്ന ഹസൻ പൂർണ ആരോഗ്യവാനായി ശനിയാഴ്ച രാത്രി ആശുപത്രിയോട് വിട പറഞ്ഞു.

Also read : 27 ഡിഗ്രിയില്‍ കൂടുതല്‍ ചൂടുള്ള രാജ്യങ്ങളില്‍ കൊറോണ ബാധിക്കില്ലെന്ന മലയാളി സൈദ്ധാന്തികന്മാരുടെ വെളിപ്പെടുത്തലിനിടെ 25 ആഫ്രിക്കന്‍ രാജ്യങ്ങളിലും വൈറസ് ബാധ : കൊവിഡ് 19ന്റെ വ്യാപനത്തെ കുറിച്ചുള്ള ഡോക്ടറുടെ കുറിപ്പ്

കോവിഡ് 19 വൈറസ് വ്യാപനം തടയുന്നതിനുള്ള പ്രതിരോധ പ്രവർത്തനങ്ങളുടെ ഭാഗമായി മുഴുവൻ കോൺസുലർ സേവനങ്ങളും നിർത്തിവെച്ച് സൗദിയിലെ ഇന്ത്യൻ എംബസി. റിയാദിലെ ഉമ്മുൽ ഹമാം, ബത്ഹ, ദമ്മാം, അൽഖോബാർ, ജുബൈൽ, ബുറൈദ, ഹാഇൽ എന്നിവിടങ്ങളിലുള്ള പാസ്‍പോർട്ട്, വിസ സർവീസ് കേന്ദ്രങ്ങളാണ് തിങ്കളാഴ്ച മുതൽ ഈ മാസം 31 വരെ അടച്ചത്.

ഈ കാലയളവിൽ പാസ്‍പോർട്ട് പുതുക്കൽ, പുതിയതിന് അപേക്ഷിക്കൽ, വിസയ്ക്ക് അപേക്ഷിക്കൽ, സർട്ടിഫിക്കറ്റ് അറ്റസ്റ്റേഷൻ തുടങ്ങിയ ഒരുവിധ കോൺസുലർ സേവനങ്ങളും ഈ കേന്ദ്രങ്ങളിൽ നിന്ന് ലഭിക്കുന്നതല്ല. എന്നാൽ അടിയന്തര ഘട്ടത്തിൽ ഏതെങ്കിലും പ്രത്യേക കോൺസുലർ സർവീസ് അത്യാവശ്യമായി വന്നാൽ ഉമ്മുൽ ഹമാമിലെ കേന്ദ്രത്തെ സമീപിക്കാമെന്നും എംബസി അധികൃതർ അറിയിച്ചു. രാജ്യത്തിന്റെ വിവിധ ഭാഗങ്ങളിൽ നടത്താറുള്ള പതിവ് കോൺസുലർ സന്ദർശന പരിപാടികൾ കഴിഞ്ഞ വ്യാഴാഴ്ച മുതൽ ഇനിയൊരു അറിയിപ്പുണ്ടാകുന്നതുവരെ നിർത്തിവെച്ചിരുന്നു.

shortlink

Related Articles

Post Your Comments

Related Articles


Back to top button