മുംബൈ: ആശുപത്രികളിലെ സൌകര്യങ്ങൾ വർദ്ധിപ്പിക്കുന്നതിനുള്ള പണം ശേഖരിക്കാൻ സർദാർ വല്ലഭായ് പട്ടേലിന്‍റെ പ്രതിമ 30000 കോടി രൂപയ്ക്ക് വിൽക്കുന്നുവെന്ന് ഓൺലൈൻ പരസ്യം. OLX-ൽ ആണ് സ്റ്റാച്യു ഓഫ് യൂണിറ്റി 30000 കോടി രൂപയ്ക്ക് വിൽപ്പനയ്ക്ക് എന്ന പരസ്യം വന്നത്. സംഭവത്തിൽ പൊലീസ് കേസെടുത്തു. പരസ്യം നൽകിയയാളുടെ പേരുവിവരങ്ങൾ ലഭ്യമല്ല. അതേസമയം സംഭവം വിവാദമായതോടെ പരസ്യം സൈറ്റിൽനിന്ന് നീക്കിയിട്ടുണ്ട്.
നർമദയുടെ തീരത്തു പണികഴിപ്പിച്ച സർദാർ വല്ലഭായ് പട്ടേലിന്‍റെ പ്രതിമ സ്റ്റാച്യൂ ഓഫ് യൂണിറ്റി എന്നാണ് അറിയപ്പെടുന്നത്. 2989 കോടി രൂപയായിരുന്നു ഇതിന്‍റെ നിർമാണ ചെലവ്. 2018-ൽ പ്രധാനമന്ത്രി നരേന്ദ്ര മോദിയാണ് സ്റ്റാച്യു ഓഫ് യൂണിറ്റി ഉദ്ഘാടനം ചെയ്തത്.
Post Your Comments