തിരുവനന്തപുരം:കോവിഡ് സാമ്പത്തിക പാക്കേജിന്റെ ഭാഗമായി സംസ്ഥാന സര്‍ക്കാര്‍ പ്രഖ്യാപിച്ച 1000 രൂപ ധനസഹായവിതരണം നാളെ മുതല്‍ ഇല്ല. അപാകതയെ തുടര്‍ന്ന് ഗുണഭോക്താക്കളുടെ പട്ടിക റദ്ദാക്കി. പുതുക്കിയ പട്ടിക അടുത്തയാഴ്ച പ്രസിദ്ധീകരിക്കും. തുകയുടെ വിതരണം 20 ന് തുടങ്ങും.സാമൂഹ്യസുരക്ഷാ- ക്ഷേമ പെന്‍ഷനോ ധനസഹായമോ ലഭിക്കാത്ത ബിപിഎല്‍, അന്ത്യോദയ കാര്‍ഡ് ഉടമകള്‍ക്കാണ് സഹായം.
റേഷന്‍ കാര്‍ഡുള്ള 14,78,236 കുടുംബങ്ങള്‍ക്ക് ലഭിക്കുമെന്നായിരുന്നു റിപ്പോര്‍ട്ടുകള്‍. ബിപിഎല്‍, അന്ത്യോദയ റേഷന്‍ കാര്‍ഡുടമകളുടെ പട്ടികയും സാമൂഹ്യസുരക്ഷാ /ക്ഷേമനിധി പെന്‍ഷന്‍ ഗുണഭോക്താക്കളുടെ പട്ടികയും ആധാര്‍ നമ്പര്‍ അടിസ്ഥാനത്തില്‍ ഒത്തുനോക്കിയാണ് പെന്‍ഷന്‍ വാങ്ങാത്തവരെ കണ്ടെത്തിയത്.
റേഷന്‍ കാര്‍ഡ് ഇല്ലാത്തവര്‍ പദ്ധതി പരിധിയില്‍ വരില്ല.ഗുണഭോക്താക്കളുടെ പട്ടിക ബുധനാഴ്ച റേഷന്‍ കടകളില്‍ പ്രസിദ്ധീകരിക്കുമെന്നായിരുന്നു സര്‍ക്കാരിന്റെ അവകാശവാദം.മുഖ്യമന്ത്രിയുടെ ദുരിതാശ്വാസ നിധിയില്‍നിന്നാണ് പദ്ധതിക്ക് തുക കണ്ടെത്തിയത്.
Post Your Comments