വെഞ്ഞാറമൂട്: ആര്‍.എസ്.എസ് പ്രവര്‍ത്തകരെ മര്‍ദിച്ച കേസിൽ ഡി.വൈ.എഫ്.ഐ പ്രവര്‍ത്തകര്‍ അറസ്റ്റില്‍. മൂന്ന് ഡി.വൈ.എഫ്.ഐ പ്രവർത്തകരാണ് അറസ്റ്റിലായിരിക്കുന്നത്. കേസിലെ പ്രതികളായ പന്തപ്ലാവിക്കോണം സ്വദേശികളായ മഹേഷ്(27), സുജിത്(27), പുല്ലമ്പാറ സ്വദേശി അംജത് എന്നിവരെയാണ് പോലീസ് അറസ്റ്റ് ചെയ്തത്. കഴിഞ്ഞ ഞായറാഴ്ചയായിരുന്നു സംഭവം.
ആര്‍.എസ്.എസ് പ്രവര്‍ത്തകര്‍ മുമ്പ് കായിക പരിശീലനം നടത്തിയിരുന്ന സ്ഥലത്ത് ഡി.വൈ.എഫ്.ഐ പ്രവര്‍ത്തകര്‍ ബാറ്റ്മിന്റണ്‍ കളിച്ചതുമായി ബന്ധപ്പെട്ട് തർക്കമുണ്ടായിരുന്നു. അതിന്റെ തുടര്‍ച്ചയായി ഞായറാഴ്ച വൈകീട്ട് ഗോകുലം മെഡിക്കല്‍ കോളേജിനു സമീപം വെച്ച് ആര്‍.എസ്.എസ് പ്രവര്‍ത്തകര്‍ത്തകര്‍ക്ക് മര്‍ദനമേറ്റു. തുടര്‍ന്ന്, വെഞ്ഞാറമൂട് പൊലീസില് പരാതി നൽകുകയും പൊലീസ് മൂന്നുപേരെ അറസ്റ്റ് ചെയ്യുകയുമായിരുന്നു.
Post Your Comments