CricketNewsSports

ബംഗ്ലദേശ് ക്രിക്കറ്റ് താരത്തിന് കോവിഡ് 19

ധാക്ക: ബംഗ്ലദേശ് ക്രിക്കറ്റ് താരവും മുന്‍ നായകനുമായ മഷ്‌റഫെ മൊര്‍ത്താസയ്ക്ക് കോവിഡ് 19 സ്ഥിരീകരിച്ചു. ക്രിക്കറ്റില്‍ സജീവമായിരിക്കുമ്പോള്‍ത്തന്നെ രാഷ്ട്രീയത്തിലേക്കു പ്രവേശിച്ച മൊര്‍ത്താസ നിലവില്‍ ബംഗ്ലദേശിലെ എംപിയാണ്. പാര്‍ലമെന്റ് അംഗമായ മോര്‍ട്ടാസ, കോവിഡ് കാലത്ത്, പ്രത്യേകിച്ച് ജന്മനാടിലും നിയോജകമണ്ഡലമായ നരേലിലും ജീവകാരുണ്യ പ്രവര്‍ത്തനങ്ങളില്‍ സജീവമായിരുന്നു. തന്റെ ഫെയ്‌സ്ബുക്ക് പേജിലൂടെയാണ് 36 കാരനായ താരം തനിക്ക് കോവിഡ് പോസിറ്റീവായ കാര്യം അറിയിച്ചത്.

‘ ഇന്ന് എന്റെ കോവിഡ് -19 ഫലങ്ങള്‍ പോസിറ്റീവ് ആയി വന്നു. എല്ലാവരും പെട്ടെന്ന് സുഖം പ്രാപിക്കാന്‍ പ്രാര്‍ത്ഥിക്കുക. രോഗബാധിതരുടെ എണ്ണം ഇപ്പോള്‍ ഒരു ലക്ഷം കവിഞ്ഞു. നാമെല്ലാവരും ആയിരിക്കണം കൂടുതല്‍ ശ്രദ്ധാലുവായിരിക്കാം. നമുക്ക് എല്ലാവരും വീട്ടില്‍ തന്നെ തുടരാം, അത് ആവശ്യമില്ലെങ്കില്‍ പുറത്തിറങ്ങരുത്. ഞാന്‍ വീട്ടിലെ പ്രോട്ടോക്കോള്‍ അനുസരിക്കുന്നു. പരിഭ്രാന്തരാകുന്നതിനുപകരം കൊറോണയെക്കുറിച്ച് അവബോധം സൃഷ്ടിക്കേണ്ടതുണ്ട് ‘ എന്നാണ് അദ്ദേഹം ഫെയ്‌സ്ബുക്കില്‍ കുറിച്ചത്.

ബംഗ്ലാദേശിലെ ഏറ്റവും കൂടുതല്‍ നാശനഷ്ടമുണ്ടായ പ്രദേശങ്ങളിലൊന്നായ ജന്മനാടായ നാരായണ്‍ഗഞ്ചില്‍ ഭക്ഷണവും മറ്റ് സാധനങ്ങളും വിതരണം ചെയ്യുന്നതിലും വളരെയധികം പങ്കാളിയായിരുന്ന താരത്തിന് രണ്ടു ദിവസമായി സുഖമില്ലാതിരുന്നതിനെ തുടര്‍ന്ന് നടത്തിയ പരിശോധനയിലാണ് കോവിഡ് 19 സ്ഥിരീകരിച്ചത്. നിലവില്‍ സ്വന്തം വസതിയില്‍ത്തന്നെ ഐസലേഷനിലാണ് താരം. നേരത്തെ മൊര്‍ത്താസയുടെ കുടുംബത്തില്‍ ചിലര്‍ക്ക് കോവിഡ് സ്ഥിരീകരിച്ചതായി ചില പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

ഇദ്ദേഹത്തിനു പുറമെ ബംഗ്ലദേശ് ഏകദിന ടീം നായകനായ തമിം ഇക്ബാലിന്റെ മൂത്ത സഹോദരനും മുന്‍ ബംഗ്ലദേശ് താരവുമായ നഫീസ് ഇക്ബാലിനും കോവിഡ് സ്ഥിരീകരിച്ചു. ചിറ്റഗോങ്ങിലെ വസതിയില്‍ സെല്‍ഫ് ഐസലേഷനില്‍ കഴിയുന്ന നഫീസ് ഇക്ബാല്‍ തന്നെയാണ് കോവിഡ് ബാധിച്ച കാര്യം സ്ഥിരീകരിച്ചത്. ബംഗ്ലദേശില്‍ ഇതുവരെ ഒരു ലക്ഷത്തിലധികം പേര്‍ക്കാണ് കോവിഡ് സ്ഥിരീകരിച്ചത്. 1400 മരണവും ഇതിനോടകം തന്നെ റിപ്പോര്‍ട്ടു ചെയ്തിട്ടുണ്ട്. അന്താരാഷ്ട്ര തലത്തില്‍ ഏകദിനത്തില്‍ മാത്രമാണ് മോര്‍ട്ടസ കളിക്കുന്നത്, ഈ വര്‍ഷം ആദ്യം ക്യാപ്റ്റന്‍ സ്ഥാനത്ത് നിന്ന് മാറിയിരുന്നു.

Related Articles

Post Your Comments


Back to top button