ലഖ്‌നൗ : ബോളിവുഡ് നടി കങ്കണ റണാവത്തിനെതിരെ നടത്തിയ പരാമര്‍ശത്തില്‍ രാജസ്ഥാന്‍ ആസ്ഥാനമായുള്ള കര്‍ണി സേനയിലെ അംഗങ്ങള്‍ ശിവസേന രാജ്യസഭാ എംപിയും മുഖ്യ വക്താവുമായ സഞ്ജയ് റാവുത്ത് മാപ്പ് പറയണമെന്നാവശ്യപ്പെട്ട് പ്രതിഷേധ പ്രകടനം നടത്തി. പ്രകടനത്തില്‍ ശിവസേന നേതാവിന്റെ കോലം കത്തിച്ചു. സംസ്ഥാന തലസ്ഥാനത്തെ പരിവര്‍ത്തന്‍ ചൗക്കില്‍ നടന്ന പ്രതിഷേധത്തില്‍ പോലീസുകാരുമായി സംഘര്‍ഷമുണ്ടവുകയും ചെയ്തതായി റിപ്പോര്‍ട്ടുകള്‍ പറയുന്നതായി സീ ന്യൂസ് പറയുന്നു.
നേരത്തെ കങ്കണ റണാവത്തിനെ പിന്തുണച്ച് ബുധനാഴ്ച കര്‍ണി സേന അംഗങ്ങള്‍ ശിവസേനയുടെ മുഖ്യ വക്താവ് സഞ്ജയ് റാവുത്തിന്റെ വസതിക്ക് പുറത്ത് ദേശീയ തലസ്ഥാനത്ത് പ്രതിഷേധ പ്രകടനം നടത്തിയിരുന്നു. പ്രതിഷേധത്തിനിടെ കങ്കണയെ അനുകൂലിക്കുന്നവര്‍ റാവുത്തിന്റെ പ്രതിമ കത്തിക്കുകയും മുദ്രാവാക്യം വിളിക്കുകയും ചെയ്തിരുന്നു.
രാജസ്ഥാന്‍ ആസ്ഥാനമായി പ്രവര്‍ത്തിക്കുന്ന ഒരു സംഘടനയാണ് ശ്രീ രജപുത്ര കര്‍ണി സേന (SRKS) എന്നറിയപ്പെടുന്ന കര്‍ണി സേന, രജപുത്ര ചരിത്രത്തെ വളച്ചൊടിച്ചുവെന്ന് അവകാശപ്പെടുന്ന `പദ്മാവത് ‘ചിത്രത്തിനെതിരെ പ്രതിഷേധവുമായി രംഗത്തെത്തിയ സംഘടനാണ് കര്‍ണി സേന.
മുംബൈയിലേക്ക് വരരുതെന്ന് തന്നോട് പറഞ്ഞതിന് കങ്കണ നേരത്തെ ആക്ഷേപിച്ചിരുന്നു. ഈ പരാമര്‍ശം തനിക്ക് തുറന്ന ഭീഷണിയുണ്ടെന്നും താരം പറഞ്ഞിരുന്നു.’ശിവസേന നേതാവ് സഞ്ജയ് റാവുത്ത് എനിക്ക് തുറന്ന ഭീഷണി നല്‍കി, പാകിസ്ഥാന്‍ അധിനിവേശ കശ്മീര്‍ പോലെ മുംബൈയെ എന്തുകൊണ്ട് തോന്നുന്നു എന്നു പറഞ്ഞ് മുംബൈ തെരുവുകളില്‍ ആസാദി ഗ്രാഫിറ്റിസിനും ഇപ്പോള്‍ തുറന്ന ഭീഷണികള്‍ക്കും ശേഷം മുംബൈയിലേക്ക് വരരുതെന്ന് എന്നോട് ആവശ്യപ്പെട്ടു. ‘ കങ്കണ ട്വീറ്റ് ചെയ്തിരുന്നു.
മുംബൈയില്‍ സുരക്ഷിതമല്ലെന്ന് തോന്നുന്നതായും സുശാന്ത് സിംഗ് രജ്പുത്തിന്റെ മരണശേഷം മുംബൈ പോലീസില്‍ വിശ്വാസമില്ലെന്നും പറഞ്ഞതിനെ തുടര്‍ന്ന് നടി ശിവസേന എംപി സഞ്ജയ് റാവുത്തുമായി വാക്കുതര്‍ക്കത്തിലാണ്. മുംബൈയെ പാകിസ്ഥാന്‍ അധിനിവേശ കശ്മീരുമായി താരതമ്യപ്പെടുത്തിയതിന് പിന്നാലെ ഉയര്‍ന്ന ഭീഷണിയെ തുടര്‍ന്ന് ആഭ്യന്തര മന്ത്രാലയം താരത്തിന് വൈ പ്ലസ് സുരക്ഷയ്ക്ക് അനുമതി നല്‍കിയിരുന്നു.
ഇതിനെല്ലാം ഇടയില്‍, മയക്കുമരുന്ന് അവിശുദ്ധ ബന്ധത്തില്‍ കങ്കണയുടെ ബന്ധത്തെക്കുറിച്ച് അന്വേഷിക്കാന്‍ മഹാരാഷ്ട്ര ആഭ്യന്തരമന്ത്രി അനില്‍ ദേശ്മുഖ് മുംബൈ പോലീസിനോട് ആവശ്യപ്പെട്ടിരുന്നു.
Post Your Comments