കേരളത്തിലേയ്ക്ക് ട്രെയിന്‍ സര്‍വീസ് ഒക്ടോബര്‍ മുതല്‍

കൊച്ചി : കേരളത്തിനു 3 സ്‌പെഷല്‍ ട്രെയിനുകള്‍ കൂടി അനുവദിച്ചു. ചെന്നൈ എഗ്മൂര്‍-കൊല്ലം അനന്തപുരി എക്‌സ്പ്രസ്, എറണാകുളം-കാരയ്ക്കല്‍ എക്‌സ്പ്രസ്, ചെന്നൈ-ആലപ്പി എക്‌സ്പ്രസ് എന്നിവയാണു സര്‍വീസ് ആരംഭിക്കുന്നത്.

അനന്തപുരി സ്‌പെഷല്‍ ചെന്നൈയില്‍ നിന്ന് ഒക്ടോബര്‍ 3നും കൊല്ലത്തു നിന്നു 4നും സര്‍വീസ് ആരംഭിക്കും. ചെന്നൈ-ആലപ്പി എക്‌സ്പ്രസ് സ്‌പെഷല്‍ ചെന്നൈയില്‍ നിന്നു 2നും ആലപ്പുഴയില്‍ നിന്നു 3നും സര്‍വീസ് തുടങ്ങും. എറണാകുളം-കാരയ്ക്കല്‍ സ്‌പെഷല്‍ എറണാകുളത്തു നിന്നു 3നും കാരയ്ക്കലില്‍ നിന്നുളള സര്‍വീസ് 4നും തുടങ്ങും.

എറണാകുളത്തു നിന്നു രാത്രി 10.30നായിരിക്കും ട്രെയിന്‍ പുറപ്പെടുക. റിസര്‍വേഷന്‍ യാത്രക്കാര്‍ക്കു മാത്രമേ യാത്ര ചെയ്യാന്‍ കഴിയൂ. ട്രെയിന്‍ പുറപ്പെടുന്നതിനു 90 മിനിറ്റ് മുമ്പ് സ്റ്റേഷനുകളിലെത്തണം.