ഇസ്ലാമാബാദ് : അശ്ലീല വീഡിയോകൾ ശ്രദ്ധയിൽപ്പെട്ടതിനെ തുടർന്ന് ചൈനീസ് വീഡിയോ ഷെയറിംഗ് ആപ്പായ ടിക് ടോക് ബ്ലോക്ക് ചെയ്ത് പാകിസ്താൻ ടെലി കമ്മ്യൂണിക്കേഷൻ അതോറിറ്റി. സർക്കാരിന്റെ നിർദ്ദേശങ്ങൾ പാലിക്കുന്നതിൽ കമ്പനി പരാജയപ്പെട്ടെന്ന് ചൂണ്ടിക്കാട്ടിയാണ് നടപടി.
ടിക് ടോകിൽ അശ്ലീല വീഡിയോകൾ പ്രചരിച്ചതിന് വിവിധയിടങ്ങളിൽ നിന്നായി നിരവധി പരാതികൾ അതോറിറ്റിയ്ക്ക് ലഭിച്ചിരുന്നു. ഇതേ തുടർന്നാണ് ടിക് ടോക് ബ്ലോക്ക് ചെയ്തത് എന്നാണ് പാകിസ്താൻ മാദ്ധ്യമങ്ങൾ റിപ്പോർട്ട് ചെയ്യുന്നത്. ബ്ലോക് ചെയ്തതിന് പുറമേ വിശദീകരണം ആവശ്യപ്പെട്ട് അതോറിറ്റി ടിക് ടോകിന് നോട്ടീസും അയച്ചിട്ടുണ്ട്.
രാജ്യത്തിന്റെ വിവിധ ഭാഗങ്ങളിൽ നിന്നും പരാതിയുയർന്ന സാഹചര്യത്തിൽ വശദീകരണം ആരാഞ്ഞുകൊണ്ട് ടിക് ടോകിന് നോട്ടീസ് നൽകിയിട്ടുണ്ടെന്ന് പാകിസ്താൻ ടെലികോം അതോറിറ്റി പുറത്തിറക്കിയ പ്രസ്താവനയിൽ പറയുന്നു.
Post Your Comments