ബംഗളുരു: ചൂതാട്ട ക്ലബില്‍ നടത്തിയ റെയ്ഡില്‍ 96 ലക്ഷം രൂപ പിടിച്ചെടുത്ത് ബംഗളുരു സെന്‍ട്രല്‍ ക്രൈം ബ്രാഞ്ച് പോലീസ്. സംഭവവുമായി ബന്ധപ്പെട്ട് അറുപതിലധികം ആളുകളെ ക്രൈം ബ്രാഞ്ച് അറസ്റ്റ്‌ ചെയ്തിട്ടുണ്ട്. ബംഗളുരുവിലുള്ള മഹാദേവപുരത്തെ ചൂതാട്ട ക്ലബില്‍ നടത്തിയ റെയ്ഡിലാണ് ഞെട്ടിക്കുന്ന വിവരങ്ങൾ പുറത്തുവന്നത്.
പ്രതികളെല്ലാം തന്നെ ആന്ധ്രാപ്രദേശ് സ്വദേശികളാണെന്നാണ് ലഭ്യമാവുന്ന വിവരങ്ങള്‍. മഹാദേവപുരത്തെ പോലീസ് സ്റ്റേഷന്‍ പരിധിയിലുള്ള ബംഗളുരു ഇന്‍ എന്ന ഹോട്ടലിലാണ് റെയ്ഡ് നടത്തിയതെന്നും ചൂതാട്ടക്ലബിന്റെ നടത്തിപ്പുകാര്‍ക്കായുള്ള തിരച്ചില്‍ പുരോഗമിക്കുകയാണെന്നും ജോയിന്റ് കമ്മീഷ്ണര്‍ ഓഫ് പോലീസ് (ക്രൈം) സന്ദീപ് പാട്ടീല്‍ പറഞ്ഞു. (ഒക്‌ടോബർ-11) ഇന്നലെയാണ് പോലീസ് ഉദ്യോഗസ്ഥര്‍ സ്ഥലത്ത് പരിശോധന നടത്തിയത്.
Post Your Comments