KeralaLatest NewsIndia

ഉവൈസിയെ പിന്തുണയ്ക്കുന്നതിനെ കുറിച്ച് പ്രതികരണവുമായി കുഞ്ഞാലിക്കുട്ടി

യുപിഎ അല്ലാതെ മറ്റൊരു കക്ഷിക്കും വോട്ട് കൊടുക്കില്ല. അത്തരത്തിലുള്ള ഒരു നീക്കവുമില്ല.

ഹൈദരാബാദ് കോര്‍പറേഷന്‍ തെരഞ്ഞെടുപ്പില്‍ അസദുദ്ദീന്‍ ഉവൈസിയുടെ പാര്‍ട്ടിയെ പിന്തുണയ്ക്കില്ലെന്ന് മുസ്ലീം ലീഗ് അഖിലേന്ത്യാ ജനറല്‍ സെക്രട്ടറി പി കെ കുഞ്ഞാലിക്കുട്ടി. ഹൈദരാബാദില്‍ ഓള്‍ ഇന്ത്യ മജ്‌ലിസെ ഇത്തിഹാദുല്‍ മുസ്ലീമീനെ ലീഗ് പിന്തുണയ്ക്കുമെന്ന വാര്‍ത്തകള്‍ തെറ്റാണെന്ന് കുഞ്ഞാലിക്കുട്ടി പറഞ്ഞു. യുപിഎ അല്ലാതെ മറ്റൊരു കക്ഷിക്കും വോട്ട് കൊടുക്കില്ല. അത്തരത്തിലുള്ള ഒരു നീക്കവുമില്ല.

ഉവൈസിയുടെ പാര്‍ട്ടിയെ മുസ്ലീം ലീഗ് പിന്തുണയ്ക്കുമെന്ന വാര്‍ത്തകള്‍ അടിസ്ഥാനരഹിതമാണെന്നും കുഞ്ഞാലിക്കുട്ടി മലപ്പുറത്ത് വിളിച്ചുചേര്‍ത്ത വാര്‍ത്താ സമ്മേളനത്തില്‍ പറഞ്ഞു.ഡിസംബര്‍ ഒന്നിനാണ് ഗ്രേറ്റര്‍ ഹൈദരാബാദ് മുനിസിപ്പല്‍ കോര്‍പറേഷനിലേക്കുള്ള തെരഞ്ഞെടുപ്പ്. നാലിനാണ് വോട്ടെണ്ണല്‍. 150 സീറ്റുകളാണ് ആകെയുള്ളത്.

read also: ‘കെഎസ്എഫ്ഇ റെയ്ഡ് നിലനിൽപ്പിനെ ബാധിക്കുമെന്നതിനാൽ, ആഭ്യന്തരം ഭരിക്കുന്നത് ഉപദേശകനല്ല’ -വിവാദങ്ങളെ തള്ളി മുഖ്യമന്ത്രി

കഴിഞ്ഞ തെരഞ്ഞെടുപ്പില്‍ ടിആര്‍എസ് 99 സീറ്റ് നേടി കോര്‍പറേഷന്‍ പിടിച്ചിരുന്നു. മജ്‌ലിസ് 44 സീറ്റും എന്‍ഡിഎ നാലും കോണ്‍ഗ്രസും ടിഡിപി ഒരു സീറ്റും നേടി. ഇന്ത്യയിലെ ഏറ്റവും വലിയ മുനിസിപ്പല്‍ കോര്‍പ്പറേഷനുകളില്‍ ഒന്നാണ് ഹൈദരാബാദ്. 625 ചതുരശ്ര കിലോമീറ്റര്‍ വിസ്തൃതിയുള്ള വിശാല ഹൈദരാബാദില്‍ 69 ലക്ഷം പേര്‍ ആണ് താമസിക്കുന്നത്.

 

 

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button