Latest NewsNewsIndia

‘സഞ്ചാര സ്വാതന്ത്ര്യം വേണം, സ്ഥലം കാലിയാക്ക്’; സമരക്കാരോട് നാട്ടുകാർ, തിക്രി അതിർത്തിയിലും സംഘർഷം, വീഡിയോ

സിംഘു അതിർത്തിക്ക് പിന്നാലെ തിക്രി അതിർത്തിയിലും കർഷകരോട് ഏറ്റുമുട്ടി നാട്ടുകാർ

സിംഘു അതിർത്തിക്ക് പിന്നാലെ തിക്രി അതിർത്തിയിലും കർഷകരോട് ഏറ്റുമുട്ടി നാട്ടുകാർ. സഞ്ചാര സ്വാതന്ത്ര്യം പോലും അനുവദിക്കാത്ത രീതിയിൽ റോഡുകളിൽ നടത്തുന്ന സമരം അവസാനിപ്പിക്കണമെന്നും സ്ഥലം കാലിയാക്കണമെന്നുമാണ് പ്രദേശവാസികൾ പറയുന്നത്. ഇതേച്ചൊല്ലി സ്ഥലത്ത് പൊട്ടിപ്പുറപ്പെട്ട സംഘർഷം നിയന്ത്രണ വിധേയമാണെന്ന് പൊലീസ് വ്യക്തമാക്കി.

ടെന്റുകള്‍ പൊളിക്കാനാണ് നാട്ടുകാരുടെ ശ്രമം. ഇരുവിഭാഗത്തെയും പരിച്ചുവിടാനുള്ള ശ്രമമാണു പൊലീസ് നടത്തുന്നത്. ലാത്തിവീശിയ പൊലീസ് കണ്ണീര്‍വാതക പ്രയോഗവും നടത്തി. കഴിഞ്ഞദിവസവും സമരം അവസാനിപ്പിക്കണമെന്ന ആവശ്യവുമായി പ്രതിഷേധക്കാര്‍ക്കു നേരെ ഒരുസംഘം എത്തിയിരുന്നു. കര്‍ഷകര്‍ ഒഴിഞ്ഞു പോകണമെന്ന് ആവശ്യപ്പെട്ടായിരുന്നു പ്രതിഷേധം.

സമരം അവസാനിപ്പിച്ച് റോഡ് കാലിയാക്കണമെന്നാണ് പ്രദേശവാസികൾ പറയുന്നത്. സ്വകാര്യ വാഹനങ്ങൾ പോലും കടത്തിവിടാതെയാണ് സമരക്കാർ ചെയ്യുന്നതെന്നും ഇത് ബുദ്ധിമുട്ടുണ്ടാക്കുന്നുവെന്നും പ്രതിഷേധക്കാർ വ്യക്തമാക്കി.

shortlink

Related Articles

Post Your Comments

Related Articles


Back to top button