ന്യൂഡൽഹി : വിവിധ സംസ്ഥാനങ്ങളിലുള്ള 43 റീജനല്‍ റൂറല്‍ ബാങ്കുകളിലായി 11,000 ത്തിലേറെ ഒഴിവുകളിലെ റിക്രൂട്ട്മെന്റിനായി ഇൻസ്റ്റിറ്റ്യൂട്ട് ഓഫ് ബാങ്കിങ് പെര്‍സണൽ സെലക്ഷന്‍ (IBPS) അപേക്ഷകള്‍ ക്ഷണിച്ചു.
റിക്രൂട്ട്മെന്‍റ് സമയത്ത് ഒഴിവുകളുടെ എണ്ണം വര്‍ധിച്ചേക്കും. കോമണ്‍ റിക്രൂട്ട്മെന്‍റ് നടപടികളായതിനാല്‍ ഓണ്‍ലൈനായി ഒറ്റ അപേക്ഷ മതിയാകും. വിശദവിവരങ്ങളടങ്ങിയ റിക്രൂട്ട്മെന്‍റ് വിജ്ഞാപനം www.ibps.in ല്‍ നിന്ന് ഡൗണ്‍ലോഡ് ചെയ്യാം.
ഓണ്‍ലൈനായി ജൂണ്‍ 28 വരെ രജിസ്റ്റര്‍ ചെയ്യാം. അപേക്ഷ ഫീസ്: 850 രൂപ. എസ്.സി/എസ്.ടി/പി.ഡബ്ല്യു.ഡി വിഭാഗങ്ങള്‍ക്ക് 175 രൂപ മതിയാകും.
ഓഫിസ് അസിസ്റ്റന്‍റ് (മള്‍ട്ടിപര്‍പ്പസ്) : ഒഴിവുകള്‍ 5884-ബിരുദക്കാര്‍ക്ക് അപേക്ഷിക്കാം. പ്രായപരിധി 18-28 വയസ്സ്. പ്രാദേശിക ഭാഷയില്‍ പ്രാവീണ്യമുള്ളവരാകണം. കമ്പ്യൂട്ടർ വര്‍ക്കിങ് നോളജ് അഭിലഷണീയം.
ഓഫിസര്‍ സ്കെയില്‍ വണ്‍ (അസിസ്റ്റന്‍റ് മാനേജര്‍) : ഒഴിവുകള്‍ 4012. യോഗ്യത: ബിരുദം. പ്രാദേശിക ഭാഷയില്‍ പ്രാവീണ്യമുണ്ടാകണം. കമ്പ്യൂട്ടർ വര്‍ക്കിങ് നോളജ് ഉണ്ടായിരിക്കണം. പ്രായപരിധി 18-30 വയസ്സ്.
ഓഫിസര്‍ സ്കെയില്‍ II ജനറല്‍ ബാങ്കിങ് ഓഫിസര്‍ (മാനേജര്‍) : ഒഴിവുകള്‍ 914. യോഗ്യത: 50 ശതമാനം മാര്‍ക്കോടെ ബിരുദം. ബാങ്ക്/ധനകാര്യ സ്ഥാപനങ്ങളില്‍ ഓഫിസറായി രണ്ടു വര്‍ഷത്തെ പ്രവൃത്തിപരിചയം. പ്രായപരിധി 21-32 വയസ്സ്.
സ്പെഷലിസ്റ്റ് ഓഫിസേഴ്സ്/മാനേജര്‍ (സ്കെയില്‍ II) വിഭാഗത്തില്‍ മാര്‍ക്കറ്റിങ് ഓഫിസര്‍ 44, ട്രഷറി മാനേജര്‍ 9, നിയമം 28, സി.എ 31, ഐ.ടി 60 എന്നിങ്ങനെയാണ് ഒഴിവുകള്‍.
Post Your Comments