Latest NewsNewsIndia

‘അഴിമതി​ ആരോപണം ഉന്നയിക്കുന്നവര്‍ക്ക്​ സംഭാവന തിരികെ നല്‍കും’: ബി.ജെ.പി എം.പി സാക്ഷി മഹാരാജ്​

നേരത്തെ രാമക്ഷേത്ര ​ട്രസ്​റ്റിന്റെ ഭൂമി ഇടപാടുമായി ബന്ധപ്പെട്ട് ഗുരുതരമായ​ അഴിമതി ആരോപണങ്ങള്‍ ഉയര്‍ന്നിരുന്നു.

ന്യൂഡല്‍ഹി: അയോദ്ധ്യ രാമക്ഷേത്ര നിർമ്മാണ ഫണ്ടിൽ ആരോപണം ഉന്നയിക്കുന്നവര്‍ക്ക്​ അവര്‍ നല്‍കിയ സംഭാവന തിരികെ നല്‍കുമെന്ന്​ ബി.ജെ.പി എം.പി സാക്ഷി മഹാരാജ്​. ​രേഖകളുമായെത്തി അവര്‍ക്ക്​ സംഭാവന തിരികെ വാങ്ങാമെന്ന്​ അദ്ദേഹം പറഞ്ഞു. രാമക്ഷേത്രത്തിനെതിരെ രംഗത്തെത്തിയവരാണ്​ ഇപ്പോള്‍ ആരോപണം ഉന്നയിക്കുന്നതെന്നും സാക്ഷി മഹാരാജ്​ പറഞ്ഞു.

ബാബറി മസ്​ജിദിന്​ സമീപം പക്ഷിയെ പോലും പറക്കാന്‍ അനുവദിക്കില്ലെന്ന്​ പറഞ്ഞവരാണ്​ ഇപ്പോള്‍ പ്രസ്​താവനയുമായി രംഗത്തെത്തുന്നതെന്നും. രാമജന്മഭൂമി തീര്‍ത്ത ക്ഷേത്ര ട്രസ്​റ്റിന്റെ ജനറല്‍ സെക്രട്ടറി ചംപത്​ റായി ജീവിതം രാമന്​ വേണ്ടി മാറ്റിവെച്ച വ്യക്​തിയാണെന്നും അദ്ദേഹം പറഞ്ഞു.

Read Also: ആയുധങ്ങളുമായി രാമേശ്വരം ലക്ഷ്യമാക്കി ബോട്ടു നീങ്ങി: കേരളത്തീരത്തും ശക്തമായ ജാഗ്രത തുടരുന്നു

രാമക്ഷേത്രത്തെ കുറിച്ച് ആരോപണം ഉന്നയിച്ച എ.എ.പി എം.പി സഞ്​ജയ്​ സിങ്ങിനും എസ്​.പി നേതാവ്​ അഖിലേഷ്​ യാദവിനും അവര്‍ ക്ഷേത്രത്തിനായി പണം നല്‍കിയിട്ടുണ്ടെങ്കില്‍ അത്​ തിരികെ കൊടുക്കാന്‍ തയ്യാറാണെന്ന് സാക്ഷി മഹാരാജ്​ കൂട്ടിച്ചേര്‍ത്തു. എന്നാൽ നേരത്തെ രാമക്ഷേത്ര ​ട്രസ്​റ്റിന്റെ ഭൂമി ഇടപാടുമായി ബന്ധപ്പെട്ട് ഗുരുതരമായ​ അഴിമതി ആരോപണങ്ങള്‍ ഉയര്‍ന്നിരുന്നു.

shortlink

Related Articles

Post Your Comments

Related Articles


Back to top button