ഹൈദരാബാദ്: തെലങ്കാനയിൽ 45കാരി പൊലീസ് കസ്റ്റഡിയിൽ മരിച്ചു. മോഷണക്കേസിൽ അറസ്റ്റ് ചെയ്ത യുവതി പൊലീസ് മർദ്ദനത്തെ തുടർന്നാണ് മരിച്ചതെന്ന് ബന്ധുക്കൾ ആരോപണം ഉന്നയിച്ചു. അതേസമയം ആരോപണങ്ങൾ പൊലീസ് നിഷേധിച്ചു.
മോഷണക്കേസുമായി ബന്ധപ്പെട്ടാണ് യേശമ്മയെയും മകനെയും ശനിയാഴ്ച അഡ്ഡാഗൂർ പൊലീസ് സ്റ്റേഷനിൽ എത്തിച്ചതെന്ന് യദാദ്രി ഡി.സി.പി പറഞ്ഞു. സ്റ്റേഷനിൽ വെച്ച് യുവതി ബോധരഹിതയാകുകയായിരുന്നുവെന്നും ഉദ്യോഗസ്ഥർ ഉടൻ തന്നെ സമീപത്തെ ആശുപത്രിയിൽ എത്തിച്ചു. അവിടെ നിന്നും വിദഗ്ധ ചികിത്സക്കായി മറ്റൊരു ആശുപത്രിയിലേക്ക് കൊണ്ടുപോയെങ്കിലും മരിച്ചതായി ഡി.സി.പി പറഞ്ഞു.
എന്നാൽ പൊലീസ് ഒരു ദിവസം മുമ്പ് തന്നെ യുവതിയെ കസ്റ്റഡിയിൽ എടുത്തിരുന്നതായും മർദ്ദനത്തെ തുടർന്നാണ് അവർ മരിച്ചതെന്നും ബന്ധുക്കൾ പറയുന്നു.
Post Your Comments