KeralaLatest NewsNews

സംസ്ഥാനങ്ങളും കേന്ദ്രസര്‍ക്കാരും ഒറീസ സര്‍ക്കാരില്‍ നിന്നും പാഠം ഉള്‍ക്കൊളളണം : തോമസ് ഐസക്

കായിക മേഖലയിലെ പ്രവര്‍ത്തനങ്ങളെ സമഗ്രമായി അവലോകനം ചെയ്യുകയും ആവശ്യമായ മാറ്റങ്ങള്‍ ഉള്‍ക്കൊള്ളുകയുമാണ് മെഡല്‍ ജേതാക്കളെ ആദരിക്കാനുള്ള ഏറ്റവും നല്ല മാര്‍ഗ്ഗം

തിരുവനന്തപുരം: ഒളിമ്പിക്സ് ജേതാവായ കായിക താരങ്ങൾക്ക് കേരളം അർഹമായ പരിഗണന നൽകിയില്ലെന്ന വിമർശനം ശക്തമായി ഉയർന്നിരുന്നു. ദേശീയ കായികരംഗത്തു തിളങ്ങിയ മലയാളി അത്‌ലെറ്റുകള്‍ക്ക് ആകര്‍ഷകമായ സമ്മാനങ്ങള്‍ നല്‍കിക്കൊണ്ടാണു കേരള സര്‍ക്കാര്‍ ആദരിച്ചിട്ടുള്ളത്. ആ സമീപനം തന്നെയായിരിക്കും ഇനിയും തുടരുകയെന്നതിനു സംശയംവേണ്ടെന്നും സി.പി.എം നേതാവ് തോമസ് ഐസക്. നമ്മുടെ ഇന്നത്തെ കായിക മേഖലയിലെ പ്രവര്‍ത്തനങ്ങളെ സമഗ്രമായി അവലോകനം ചെയ്യുകയും ആവശ്യമായ മാറ്റങ്ങള്‍ ഉള്‍ക്കൊള്ളുകയുമാണ് മെഡല്‍ ജേതാക്കളെ ആദരിക്കാനുള്ള ഏറ്റവും നല്ല മാര്‍ഗമെന്നു പറഞ്ഞ തോമസ് ഐസക് ഒറീസ സര്‍ക്കാരിന്റെ സ്പോണ്‍സര്‍ഷിപ്പ് നമ്മുടെ ഹോക്കി ടീമുകളുടെ പ്രകടനത്തില്‍ വരുത്തിയ മുന്നേറ്റം മറ്റു സംസ്ഥാനങ്ങള്‍ക്കും കേന്ദ്രസര്‍ക്കാരിനും പാഠമാകേണ്ടതുണ്ടെന്നും കൂട്ടിച്ചേർത്തു.

read also: കശ്മീരില്‍ ബിജെപി കിസാന്‍ മോര്‍ച്ച ജില്ലാ പ്രസിഡന്റിനെയും ഭാര്യയെയും ഭീകരര്‍ വെടിവെച്ച് കൊലപ്പെടുത്തി

തോമസ് ഐസക്കിന്റെ ഫേസ്ബുക്ക് പോസ്റ്റ്

ടോക്കിയോ ഒളിമ്ബിക്സിനു കൊടിയിറങ്ങി. ഒരു സ്വര്‍ണ്ണം, രണ്ട് വെള്ളി, നാല് വെങ്കലം അങ്ങനെ ഏഴ് മെഡലുകള്‍ ഇന്ത്യ നേടി. ഏറ്റവും കൂടുതല്‍ മെഡലുകള്‍ നേടിയ ഒളിമ്ബിക്സിലെ കായികതാരങ്ങളില്‍ നമുക്കെല്ലാം അഭിമാനിക്കാന്‍ വകയുണ്ട്. ഇന്ത്യയുടെ അവസാന ഇനമായ ജാവലിന്‍ ത്രോയില്‍ നീരജ് ചോപ്ര സ്വര്‍ണ്ണം നേടി ഇന്ത്യയുടെ ടോക്കിയോ ഒളിമ്ബ്ക്സ് യാത്രയ്ക്കു ഗംഭീരമായ അവസാനം കുറിച്ചു. ആദ്യമായിട്ടാണ് അത്‌ലെറ്റിക്സില്‍ ഇന്ത്യ സ്വര്‍ണ്ണം നേടുന്നത്.

ഭാരോദ്വഹനത്തില്‍ മീരാഭായ് ചാനുവും ഫ്രീസ്റ്റൈല്‍ ഗുസ്തയില്‍ രവി കുമാര്‍ ദാഹിയയും വെള്ളി മെഡല്‍ നേടി. പി.വി സിന്ധു ബാഡ്മിന്റണിലും ലവ്‌ലീന ബോര്‍ഗോഹെയ്ന്‍ ബോക്സിങ്ങിലും ഭജ്‌രംഗ് പുനിയ ഗുസ്തിയിലും വെങ്കല മെഡല്‍ നേടി. 41 വര്‍ഷത്തിനുശേഷം ഒളിമ്ബിക്സ് ഹോക്കിയില്‍ വെങ്കലമാണെങ്കിലും ഇന്ത്യ മെഡല്‍ നേടി. ഈ വിജയത്തില്‍ മലയാളിയായ ഗോള്‍കീപ്പര്‍ ശ്രീ. പി.ആര്‍. ശ്രീജേഷ് വഹിച്ചപങ്ക് എന്നും പ്രകീര്‍ത്തിക്കപ്പെടും. മെഡല്‍ നേടിയില്ലെങ്കിലും വനിതാ ഹോക്കി ടീം എല്ലാവരുടെയും ഹൃദയങ്ങളില്‍ സ്ഥാനം നേടി.

ഈ നേട്ടത്തില്‍ അഭിമാനിക്കുന്നതോടൊപ്പം ഓര്‍ക്കേണ്ടുന്ന ഒരു കാര്യമുണ്ട്. 9 വര്‍ഷം പിന്നിടുമ്ബോള്‍ ലണ്ടന്‍ ഒളിമ്ബിക്സില്‍ നേടിയതിനേക്കാള്‍ ഒരു മെഡല്‍ കൂടുതല്‍ മാത്രമേ നേടാന്‍ കഴിഞ്ഞിട്ടുള്ളൂ. ഒറീസ സര്‍ക്കാരിന്റെ സ്പോണ്‍സര്‍ഷിപ്പ് നമ്മുടെ ഹോക്കി ടീമുകളുടെ പ്രകടനത്തില്‍ വരുത്തിയ മുന്നേറ്റം മറ്റു സംസ്ഥാനങ്ങള്‍ക്കും കേന്ദ്രസര്‍ക്കാരിനും പാഠമാകേണ്ടതുണ്ട്. ഒരു പൊതുകായിക സംസ്കാരം സൃഷ്ടിക്കുന്നതോടൊപ്പം മികവുറ്റവര്‍ക്ക് ഏറ്റവും ഉയര്‍ന്ന പരിശീലനം ഉറപ്പുവരുത്തുന്നതിലൂടെയാണ് മറ്റു രാജ്യങ്ങള്‍ വിജയം കൊയ്യുന്നത്.

നമ്മുടെ ഇന്നത്തെ കായിക മേഖലയിലെ പ്രവര്‍ത്തനങ്ങളെ സമഗ്രമായി അവലോകനം ചെയ്യുകയും ആവശ്യമായ മാറ്റങ്ങള്‍ ഉള്‍ക്കൊള്ളുകയുമാണ് മെഡല്‍ ജേതാക്കളെ ആദരിക്കാനുള്ള ഏറ്റവും നല്ല മാര്‍ഗ്ഗം. ദേശീയ കായികരംഗത്തു തിളങ്ങിയ മലയാളി അത്‌ലെറ്റുകള്‍ക്ക് ആകര്‍ഷകമായ സമ്മാനങ്ങള്‍ നല്‍കിക്കൊണ്ടാണു കേരള സര്‍ക്കാര്‍ ആദരിച്ചിട്ടുള്ളത്. ആ സമീപനം തന്നെയായിരിക്കും ഇനിയും തുടരുകയെന്നതിനു സംശയംവേണ്ട.

shortlink

Related Articles

Post Your Comments

Related Articles


Back to top button