ഇംഗ്ലീഷ് സ്‌ട്രൈക്കർ ഹാരി കെയ്ൻ സിറ്റിയിലേക്ക്

മാഞ്ചസ്റ്റർ: ഇംഗ്ലീഷ് സ്‌ട്രൈക്കർ ഹാരി കെയ്ൻ മാഞ്ചസ്റ്റർ സിറ്റിയിലേക്ക്. താരത്തിനെ സ്വന്തമാക്കാൻ വൻ തുകയാണ് പ്രീമിയർ ലീഗിലെ നിലവിലെ ചാമ്പ്യന്മാരായ മാഞ്ചസ്റ്റർ സിറ്റി ഓഫർ ചെയ്തിരിക്കുന്നത്. കെയ്നും സിറ്റിയുമായുള്ള ചർച്ച അവസാനഘട്ടത്തിലാണെന്നും, താരം ഉടൻ സിറ്റിയിലെത്തുമെന്നും ഇംഗ്ലീഷ് മാധ്യമങ്ങൾ റിപ്പോർട്ട് ചെയ്യുന്നു. നിലവിൽ ടോട്ടനത്തിനായി കളിക്കുന്ന കെയ്നിനെ ഈ സീസണിൽ തന്നെ തങ്ങളുടെ തട്ടകത്തിലെത്തിക്കാനാണ് സിറ്റിയുടെ നീക്കം.

കെയ്നിനെ സിറ്റിക്ക് വിട്ടുകൊടുക്കാൻ ടോട്ടനം സമ്മതം മൂളിയതായാണ് പുറത്തുവരുന്ന റിപ്പോർട്ടുകൾ. മികച്ച ഫോമിലുള്ള ഹാരി കെയ്നിനുവേണ്ടി സിറ്റിക്ക് പുറമെ ചെൽസിയും മാഞ്ചസ്റ്റർ യുണൈറ്റഡും രംഗത്തുണ്ട്. എന്നാൽ കെയ്നിനായി 1636 കൂടി രൂപയാണ് സിറ്റി ചെലവിടാൻ ഒരുങ്ങുന്നത്. കരാറിൽ സൂപ്പർ താരം ഒപ്പുവെച്ചാൽ താരകൈമാറ്റ വിപണിയിലെ റെക്കോർഡ് തുകയായി ഇതുമാറും.

Read Also:- മുഖക്കുരു തടയാന്‍!

ടോട്ടനത്തിനായി 2020-21 സീസണിൽ 49 മത്സരങ്ങളിൽ 33 ഗോളുകൾ കെയ്ൻ അടിച്ചുകൂട്ടിയിരുന്നു. പതിനേഴ് അസിസ്റ്റുകളും താരം സ്വന്തം പേരിൽ കൂട്ടിച്ചേർത്തിട്ടുണ്ട്. ഇംഗ്ലണ്ടിനായി യൂറോ കപ്പിലും കെയ്ൻ മികച്ച പ്രകടനമാണ് കാഴ്ചവെച്ചത്. ഇംഗ്ലണ്ടിനെ ഫൈനലിൽ എത്തിക്കുകയും ടൂർണമെന്റിൽ നാലു ഗോളുകൾ നേടുകയും ചെയ്തു.