Latest NewsIndiaNews

ദേശീയ ഗാനം അറിയില്ല: നാണംകെട്ട് സമാജ്‌വാദി എം.പിയും പ്രവര്‍ത്തകരും, വീഡിയോ പുറത്തുവിട്ട് ബിജെപി

ന്യൂഡല്‍ഹി: സ്വാതന്ത്ര്യദിനത്തില്‍ നാണംകെട്ട് സമാജ്‌വാദി പാര്‍ട്ടി. ദേശീയ ഗാനം മുഴുവനായി അറിയാതെ വന്നതോടെ നാണംകെട്ട് നില്‍ക്കുന്ന സമാജ്‌വാദി എം.പിയുടെയും പ്രവര്‍ത്തകരുടെയും വീഡിയോയാണ് പുറത്തുവന്നിരിക്കുന്നത്. ബിജെപി നേതാവ് സംബിത് പത്രയാണ് വീഡിയോ ട്വിറ്ററിലൂടെ പുറത്തുവിട്ടത്.

Also Read: ശൈലജ ടീച്ചർക്ക് പിന്നാലെ വീണ ജോർജിനും കൈയ്യടി: കോവിഡിന് പിന്നാലെയെത്തിയ സികയെ മികച്ച രീതിയിൽ പ്രതിരോധിച്ചുവെന്ന് വാദം

പതാക ഉയര്‍ത്തലിന് പിന്നാലെ ദേശീയ ഗാനം ആലപിച്ചപ്പോഴാണ് സമാജ്‌വാദി എം.പി എസ്.ടി ഹസനും പ്രവര്‍ത്തകരും നാണംകെട്ടത്. വരികള്‍ മറന്നതോടെ എല്ലാവരും ചേര്‍ന്ന് ‘ജയ് ഹേ’ എന്ന് മാത്രം പറഞ്ഞുകൊണ്ട് ദേശീയ ഗാനം അവസാനിപ്പിക്കുകയായിരുന്നു. വരികള്‍ അറിയാതെ പ്രവര്‍ത്തകര്‍ പരസ്പരം നോക്കുന്നതും എന്ത് ചെയ്യണമെന്ന് അറിയാതെ നില്‍ക്കുന്നതും വീഡിയോയില്‍ വ്യക്തമായി കാണാം.

എസ്.ടി ഹസന്‍ പതാക ഉയര്‍ത്തിയതിന് പിന്നാലെ പ്രവര്‍ത്തകര്‍ ദേശീയ ഗാനം ആലപിക്കുകയായിരുന്നു. ആദ്യത്തെ രണ്ട് വരികള്‍ പൂര്‍ത്തിയാക്കിയെങ്കിലും ബാക്കി അറിയാതെ എല്ലാവരും നിശബ്ദരായി. ദേശീയ ഗാനം ആലപിക്കാന്‍ നേതൃത്വം നല്‍കിയ പ്രവര്‍ത്തകനാണ് ആദ്യം വരി മറന്നത്. തുടര്‍ന്ന് ഇയാള്‍ പോക്കറ്റില്‍ നിന്ന് മൊബൈല്‍ ഫോണ്‍ എടുക്കാന്‍ ശ്രമിച്ചെങ്കിലും മറ്റ് പ്രവര്‍ത്തകര്‍ വേഗത്തില്‍ ദേശീയ ഗാനം അവസാനിപ്പിക്കുകയായിരുന്നു.

shortlink

Related Articles

Post Your Comments

Related Articles


Back to top button