ക്യാഷ് അവാർഡ് ഇല്ലാത്ത സോപ്പുപെട്ടി അവാര്‍ഡ് വാങ്ങാന്‍ മണിക്കൂറുകൾ വെറുതെ ഇരിക്കാൻ വയ്യെന്ന നിലപാടുമായി നടൻ ഹരീഷ് പേരടി. അതിന്റെ പേരിൽ തെലുങ്കില്‍ നിന്നും തന്നെത്തേടിയെത്തിയ പുരസ്‌കാരം നിരസിച്ചിരിക്കുകയാണ് താരം. സോഷ്യൽ മീഡിയ കുറിപ്പിലൂടെ നടൻ തന്നെയാണ് ഇക്കാര്യം അറിയിച്ചത്. 2019 -ലെ മലയാളത്തിലെ ഏറ്റവും നല്ല സ്വഭാവനടനായി കണ്ടെത്തി സന്തോഷം മാഗസിനും സുമന്‍ ടിവിയും അവാർഡിനായി തന്നെ തിരഞ്ഞെടുത്തത് പങ്കുവച്ച അദ്ദേഹം മലയാളികള്‍ക്ക് തോന്നാത്ത തോന്നല്‍ ഉണ്ടായ സുമന്‍ ടിവിക്കും സന്തോഷം മാഗസിനും തന്റെ ഹൃദയം നിറഞ്ഞ നന്ദിയും താരം അറിയിച്ചു.
read also: ഒളിച്ചോടിയുടെ കമിതാക്കളുടെ മൃതദേഹം പുഴയിൽ: കൈകള്‍ പരസ്പരം കൂട്ടിക്കെട്ടിയ നിലയിൽ
കുറിപ്പ്
‘ജനാധിപന്‍ എന്ന സിനിമയിലെ അഭിനയത്തിന് തെലുങ്കിലെ സന്തോഷം മാഗസിനും സുമന്‍ ടിവിയും ചേര്‍ന്ന് നടത്തുന്ന അവാര്‍ഡ് നിശയിലേക്ക് 2019 -ലെ മലയാളത്തിലെ ഏറ്റവും നല്ല സ്വഭാവനടനായി തിരഞ്ഞെടുത്ത വിവരം രണ്ടാഴ്ച്ചമുമ്ബ് ഒരു ദൂതന്‍ വഴി എന്നെ അറിയിച്ചിരുന്നു. ക്യാഷ് അവാര്‍ഡ് ഇല്ലാതെ വെറും സോപ്പുപെട്ടി വാങ്ങാന്‍ വേണ്ടി 5,6 മണിക്കൂറുകള്‍ ഒരേ കസാരയില്‍ ഇരിക്കാന്‍ വയ്യാ എന്ന് ഞാന്‍ ആ ദൂതനെയും അറിയിച്ചു.
അത് മറ്റാരെങ്കിലും വാങ്ങിയിട്ടുണ്ടാകും. ആശംസകള്‍, ക്യാഷ് അവാര്‍ഡ് ഉണ്ടായിരുന്നെങ്കില്‍ ഒരു ജോലിയായി കണ്ട് ഇരിക്കാമായിരുന്നു. ഇത് നിങ്ങളെ അറിയിക്കാന്‍ കാരണം അവാര്‍ഡുകള്‍ കിട്ടുമ്ബോള്‍ മാത്രമല്ല അത് വേണ്ടന്ന് വെക്കുമ്ബോളും നിങ്ങള്‍ അറിയണമെന്ന് തോന്നി.അതുകൊണ്ട് മാത്രം, എന്തായാലും കൃത്യമായി ശമ്ബളം തന്ന നിര്‍മ്മാതാവ് ബാലാജി സാറിനും തിരക്കഥാകൃത്തും സംവിധായകനുമായ തന്‍സീര്‍ മുഹമ്മദിനും മലയാളികള്‍ക്ക് തോന്നാത്ത തോന്നല്‍ ഉണ്ടായ സുമന്‍ ടിവിക്കും സന്തോഷം മാഗസിനും എന്റെ ഹൃദയം നിറഞ്ഞ നന്ദി.’
Post Your Comments