PalakkadKeralaNattuvarthaLatest NewsNewsCrime

ആര്‍എസ്എസ് പ്രവര്‍ത്തകന്റെ കൊലപാതകം: പ്രതികളെത്തിയത് പൊളിച്ച് വില്‍ക്കാന്‍ കൈമാറിയ വാഹനത്തിന്റെ നമ്പറുള്ള കാറില്‍

വടക്കഞ്ചേരിയിലെ ഒരു ഡ്രൈവിംഗ് പരിശീലന സ്ഥാപനം ഉപയോഗിച്ചിരുന്ന കാറായിരുന്നു ഇത്

പാലക്കാട്: ആര്‍എസ്എസ് പ്രവര്‍ത്തകന്‍ സഞ്ജിത്തിനെ കൊലപ്പെടുത്താന്‍ പ്രതികളെത്തിയ കാറിന്റെ നമ്പര്‍ പൊളിച്ച് വില്‍ക്കാന്‍ കൈമാറിയ വാഹനത്തിന്റേതാണെന്ന് വിവരം. വാഹനം വാങ്ങിയയാളെ പൊലീസ് കസ്റ്റഡിയിലെടുത്ത് ചോദ്യം ചെയ്യുകയാണ്. വടക്കഞ്ചേരിയിലെ ഒരു ഡ്രൈവിംഗ് പരിശീലന സ്ഥാപനം ഉപയോഗിച്ചിരുന്ന കാറായിരുന്നു ഇത്. ഈ കാര്‍ പൊളിക്കാനായി മറ്റൊരാള്‍ക്ക് കൈമാറിയിരുന്നു. തുടര്‍ന്നാണ് വാഹനം വാങ്ങിയ ആളെ പൊലീസ് കസ്റ്റഡിയിലെടുത്തത്.

Read Also : ആത്മനിര്‍ഭര്‍ ഭാരത് പദ്ധതി ലോകത്തിന് വേണ്ടിയുള്ള നിര്‍മ്മാണമാണ് ലക്ഷ്യമിടുന്നത്: ഇന്ത്യ വലിയ മുന്നേറ്റമാണ് നടത്തുന്നത്

അതേസമയം സഞ്ജിത്തിന്റെ കൊലപാതകം നടന്ന് മൂന്ന് ദിവസം പിന്നിടുമ്പോഴും പ്രതികളെ പിടികൂടാനാകാത്ത സാഹചര്യത്തില്‍ ഒരു പ്രതിയുടെ രേഖാചിത്രം പൊലീസ് ഇന്ന് പുറത്തുവിടും. പ്രതികള്‍ സഞ്ചരിച്ചിരുന്ന മാരുതി 800 കാറിന്റെ വിവരങ്ങളും പുറത്തുവിടും. പ്രതികള്‍ വാഹനം ഉപേക്ഷിച്ച് മറ്റൊരു വാഹനത്തില്‍ കടന്നു കളഞ്ഞതായും പൊലീസ് സംശയിക്കുന്നുണ്ട്. പ്രതികള്‍ കോയമ്പത്തൂരിലേക്ക് കടക്കാനുള്ള സാധ്യത കണക്കിലെടുത്ത് പൊലീസ് അന്വേഷണം വ്യാപിപ്പിച്ചിട്ടുണ്ട്. കൊലപാതകത്തിന് ശേഷം പ്രതികള്‍ കടന്നു പോകാന്‍ സാധ്യതയുള്ള വഴികളിലെ സിസിടിവി ദൃശ്യങ്ങള്‍ പൊലീസ് ശേഖരിച്ചിട്ടുണ്ട്.

അതേസമയം സഞ്ജിത്തിനെ കൊലപ്പെടുത്താന്‍ ഉപയോഗിച്ചെന്ന് കരുതുന്ന ആയുധങ്ങള്‍ ഉപേക്ഷിക്കപ്പെട്ട നിലയില്‍ കണ്ണന്നൂരില്‍ നിന്ന് പൊലീസ് കണ്ടെത്തിയിരുന്നു. ഉപേക്ഷിക്കപ്പെട്ട നിലയില്‍ കണ്ടെത്തിയ നാല് വടിവാളുകളില്‍ രക്തക്കറയും മുടിനാരിഴയും ഉണ്ടായിരുന്നു. സഞ്ജിത്തിനെ കൊലപ്പെടുത്തിയ പ്രതികളെ ഇനി കണ്ടാല്‍ തിരിച്ചറിയുമെന്ന് ഭാര്യ അര്‍ഷിത പറഞ്ഞിരുന്നു.

ഭാര്യയുമായി ബൈക്കില്‍ പോകുന്നതിനിടെയാണ് എലപ്പുള്ളി സ്വദേശി സഞ്ജിത്ത് (27) നെ പ്രതികള്‍ വെട്ടി കൊലപ്പെടുത്തിയത്. കാറിലെത്തിയ സംഘം സഞ്ജിത്തിനെ തടഞ്ഞു നിര്‍ത്തി വെട്ടി കൊലപ്പെടുത്തുകയായിരുന്നു. ഉടനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ശരീരത്തില്‍ മുപ്പതോളം വെട്ടുകള്‍ ഉണ്ടായിരുന്നു. എസ്.ഡി.പി.ഐ പ്രവര്‍ത്തകരാണ് കൊലപാതകം നടത്തിയതെന്ന് ബിജെപി ആരോപിച്ചിരുന്നു. സഞ്ജിത്തിന് നേരെ നേരത്തേയും എസ്.ഡി.പി.ഐ പ്രവര്‍ത്തകരുടെ ആക്രമണം ഉണ്ടായിട്ടുണ്ട്.

shortlink

Related Articles

Post Your Comments


Back to top button