ചാത്തന്നൂർ: പൊലീസ് വാഹനത്തിൽ പാഴ്സൽ ലോറിയിടിച്ച് അപകടം. അപകടത്തിൽ മൂന്ന് പൊലീസ് ഉദ്യോഗസ്ഥർക്ക് പരിക്കേറ്റു. എസ്.ഐ വിനയൻ, എ.എസ്.ഐ ഹരികുമാർ, ഡ്രൈവർ സി.പി.ഒ സന്തോഷ് എന്നിവർക്കാണ് പരിക്കേറ്റത്.
ഹൈവേ പൊലീസിന്റെ വാഹനത്തിലാണ് ലോറിയിടിച്ചത്. കഴിഞ്ഞ ദിവസം അർധരാത്രി 12.45ന് ആണ് സംഭവം. കൊല്ലം-തിരുവനന്തപുരം ദേശീയപാതയിൽ കല്ലുവാതുക്കൽ പാറയിൽ ജങ്ഷന് സമീപമാണ് അപകടമുണ്ടായത്.
സംഭവത്തിൽ പാരിപ്പള്ളി പൊലീസ് കേസെടുത്തു. അപകടത്തിൽ പരിക്കേറ്റ പൊലീസുകാർ ആശുപത്രിയിൽ ചികിത്സയിലാണ്. ആരുടെയും നില ഗുരുതരമല്ല.
Post Your Comments