സുൽത്താൻ ബത്തേരി: മുത്തങ്ങ എക്സൈസ് ചെക്പോസ്റ്റിൽ കഞ്ചാവുമായി യുവാവ് പിടിയിൽ. മലപ്പുറം ഏറനാട് പാണ്ടിക്കാട് കുന്നുമ്മൽ മുഹമ്മദ് മുബഷീനെ (28) ആണ് അറസ്റ്റ് ചെയ്തത്.
വ്യാഴാഴ്ച രാത്രി എക്സൈസ് നടത്തിയ വാഹന പരിശോധനയിൽ ആണ് 18 കിലോ കഞ്ചാവുമായി യുവാവ് പിടിയിലായത്. . മലപ്പുറം എക്സൈസ് ഇന്‍റലിജൻസ് ബ്യൂറോയുടെ രഹസ്യ വിവരത്തി‍ന്റെ അടിസ്ഥാനത്തിലായിരുന്നു പരിശോധന.
ഇയാൾ സഞ്ചരിച്ച കെ.എൽ 06 എച്ച് 4760 നമ്പർ ഇന്നോവ കാറും കസ്റ്റഡിയിലെടുത്തിട്ടുണ്ട്. കാറിന്‍റ മുന്നിലെ ബോണറ്റിനുള്ളിലും അകത്ത് സീറ്റിനടിയിലെ രഹസ്യ അറകളിലുമായി ഏഴ് പാക്കറ്റ് കഞ്ചാവ് ആണ് സൂക്ഷിച്ചിരുന്നത്.
Read Also : ആ മമ്മൂട്ടി ചിത്രത്തിനില്ലാത്ത പ്രശ്നമാണല്ലോ മേപ്പടിയാന്, കലയെ വർഗീയതയുമായി കൂട്ടി കുഴക്കരുത്: വിവേക് ഗോപൻ
പ്രതിയും തൊണ്ടിമുതലും സുൽത്താൻ ബത്തേരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയതായി എക്സൈസ് അറിയിച്ചു. സർക്കിൾ ഇൻസ്പെക്ടർ ആർ. നിഗീഷ്, പ്രിവന്‍റിവ് ഓഫിസർ പി.എ. പ്രകാശ്, സിവിൽ എക്സൈസ് ഓഫിസർ മൻസൂർഅലി, എം.സി. സനൂപ് എന്നിവരാണ് പരിശോധന സംഘത്തിൽ ഉണ്ടായിരുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments