ചമ്രവട്ടം റെഗുലേറ്റര്‍ കം ബ്രി​ഡ്ജി​ന്‍റെ പ്ര​ധാ​ന ബീ​മു​ക​ള്‍​ തകര്‍ന്ന നിലയില്‍

പൊ​ന്നാ​നി: ച​മ്ര​വ​ട്ടം റെ​ഗു​ലേ​റ്റ​ര്‍ കം ​ബ്രി​ഡ്ജി​ന്‍റെ പ്ര​ധാ​ന ബീ​മു​ക​ള്‍ അപകടാവസ്ഥയിൽ. ബീ​മി​ന്​ മു​ക​ള്‍​ഭാ​ഗ​ത്തെ കോ​ണ്‍​ക്രീ​റ്റ് അ​ട​ര്‍​ന്ന് കമ്പിക​ള്‍ പു​റ​ത്തേ​ക്ക് ത​ള്ളി നി​ല്‍​ക്കുകയാണ്. ഇത് പാ​ല​ത്തി​ന്‍റെ രൂക്ഷത ആണ് തെ​ളി​യി​ക്കു​ന്നത്.

നി​ര​വ​ധി ബീ​മു​ക​ളാ​ണ് കോ​ണ്‍​ക്രീ​റ്റ് ഇ​ള​കി​യ നി​ല​യി​ലു​ള്ള​ത്. മാ​സ​ങ്ങ​ള്‍​ക്കു ​മു​മ്പ് ല​ക്ഷ​ങ്ങ​ള്‍ ചെ​ല​വ​ഴി​ച്ച്‌ അ​റ്റ​കു​റ്റ​പ്പ​ണി ന​ട​ത്തി​യ ഭാ​ഗ​ങ്ങ​ളി​ലാ​ണ് വീണ്ടും കോ​ണ്‍​ക്രീ​റ്റ് അ​ട​ര്‍​ന്നി​ട്ടു​ള്ള​ത്. പ​ത്ത് വ​ര്‍​ഷം മു​മ്പ് നി​ര്‍​മി​ച്ച റെ​ഗു​ലേ​റ്റ​ര്‍ കം ​ബ്രി​ഡ്ജി​ല്‍ വെ​ള്ളം സം​ഭ​രി​ക്കാ​ന്‍ ക​ഴി​യാ​ത്ത​തി​നാ​ല്‍ പാ​ലം മാ​ത്ര​മാ​ണ് ഗു​ണ​പ്ര​ദ​മാ​യ​ത്.

Read Also : പോത്തന്‍കോട് വീണ്ടും ഗുണ്ടാ ആക്രമണം: 60-കാരനെ തലകീഴായി കെട്ടിത്തൂക്കി മര്‍ദിച്ചു

പാ​ലം നി​ര്‍​മാ​ണ​ത്തി​ല്‍ അ​ഴി​മ​തി​യും അ​ശാ​സ്ത്രീ​യ​ത​യും ഉ​ണ്ടാ​യെ​ന്ന ആ​രോ​പ​ണം വ​ര്‍​ഷ​ങ്ങ​ള്‍​ക്ക് മുമ്പു​ത​ന്നെ ഉ​യ​ര്‍​ന്നി​ട്ടു​ണ്ട്. നി​ര്‍​മാ​ണ​ത്തി​ലെ അ​ശാ​സ്ത്രീ​യ​ത മൂ​ല​വും യ​ഥാ​സ​മ​യം അ​റ്റ​കു​റ്റ​പ്പ​ണി ന​ട​ത്താ​ത്ത​തി​നാ​ലും പൊ​ന്നാ​നി ച​മ്ര​വ​ട്ടം റെ​ഗു​ലേ​റ്റ​ര്‍ കം ​ബ്രി​ഡ്ജി​ന്റെ ഷ​ട്ട​റു​ക​ള്‍ തു​രു​മ്പെ​ടു​ത്ത് ന​ശി​ച്ചി​രു​ന്നു.

മാ​സ​ങ്ങ​ള്‍​ക്ക് മു​മ്പ് ഷ​ട്ട​റി​ന്റെ താ​ല്‍​ക്കാ​ലി​ക അ​റ്റ​കു​റ്റ​പ്പ​ണി​ക​ളും പെ​യി​ന്റി​ങ്​ ജോ​ലി​ക​ളും ന​ട​ന്നെ​ങ്കി​ലും ബീ​മു​ക​ള്‍ ഉ​ള്‍​പ്പെ​ടെ ത​ക​ര്‍​ന്നു കൊ​ണ്ടി​രി​ക്കു​ക​യാ​ണ്. പൈ​ലി​ങ്ങി​നാ​യി എ​ത്തി​ച്ച ഷീ​റ്റു​ക​ളി​ല്‍ അ​ഴി​മ​തി ന​ട​ന്നു​വെ​ന്ന ആ​രോ​പ​ണ​വുമുണ്ട്.