പ്രായപൂർത്തിയാകാത്ത പെൺകുട്ടിയുടെ ചിത്രം മോർഫ് ചെയ്ത്​ ഭീഷണിപ്പെടുത്തൽ : മൂന്ന് യുവാക്കൾ പിടിയിൽ

അ​ടൂ​ർ: സോഷ്യൽ മീഡിയ വഴി പരിചയപ്പെട്ട പ്രായപൂർത്തിയാകാത്ത പെൺകുട്ടിയുടെ ഫോ​ട്ടോ കൈ​ക്ക​ലാ​ക്കി​യ​തി​നു ​ശേ​ഷം മോ​ർ​ഫ് ചെ​യ്ത്​ ഭീ​ഷ​ണി​പ്പെ​ടു​ത്തിയ സംഭവത്തിൽ മൂന്ന് യുവാക്കൾ അറസ്റ്റിൽ. എ​റ​ണാ​കു​ളം പാ​നാ​യി​ക്കു​ളം പൊ​ട്ട​ൻ​കു​ളം വീ​ട്ടി​ൽ പി.​എ​സ്. അ​ല​ക്സ് (21), പ​ന്ത​ളം പൂ​ഴി​ക്കാ​ട് മെ​ഡി​ക്ക​ൽ മി​ഷ​ൻ ആ​ശു​പ​ത്രി​ക്ക് സ​മീ​പം നി​ർ​മാ​ല്യം വീ​ട്ടി​ൽ അ​ജി​ത് (21), പ​ന്ത​ളം കു​ര​മ്പാ​ല പു​ന്ത​ല പ​ടി​ക്ക​ൽ വീ​ട്ടി​ൽ പ്ര​ണ​വ് കു​മാ​ർ (21) എ​ന്നി​വ​രെ ആണ് പൊലീസ് അ​റ​സ്റ്റ് ചെ​യ്ത​ത്.

യുവാക്കൾ ഭീഷണിപ്പെടുത്തിയ ശേഷം പെ​ൺ​കു​ട്ടി​യു​ടെ മൂ​ന്നു​പ​വ​നും 70,000 രൂ​പ​യും കൈ​ക്ക​ലാ​ക്കി​യിരുന്നു. പെൺകുട്ടിയുടെ പ​രാ​തി​പ്ര​കാ​ര​മാ​ണ് അറസ്റ്റ്. എ​റ​ണാ​കു​ള​ത്തെ വീ​ട്ടി​ൽ​ നി​ന്ന്​ അ​ജി​ത്തി​നെ​യും മ​റ്റു ര​ണ്ടു​പേ​രെ പ​ന്ത​ള​ത്തു​ നി​ന്നു​മാ​ണ് അ​റ​സ്റ്റ് ചെ​യ്ത​ത്.

Read Also : ഉക്രൈന്‍ ജനതക്ക് ഐക്യദാര്‍ഢ്യം: യൂത്ത് ലീഗ് യുദ്ധവിരുദ്ധ സായാഹ്നം സംഘടിപ്പിക്കുമെന്ന് പി. കെ ഫിറോസ്

അ​ടൂ​ർ ഡി​വൈ.​എ​സ്.​പി ആ​ർ. ബി​നു​വി​ന്‍റെ നി​ർ​ദേ​ശ​പ്ര​കാ​രം ഏ​നാ​ത്ത് സി.​ഐ പി.​എ​സ്. സു​ജി​ത്, എ​സ്‌.​ഐ ടി. ​സു​രേ​ഷ്, എ​സ്.​സി.​പി.​ഒ കി​ര​ൺ, സി.​പി.​ഒ മ​നൂ​പ് എ​ന്നി​വ​ർ ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്. ഇ​വ​രെ കോ​ട​തി​യി​ൽ ഹാ​ജ​രാ​ക്കിയ ശേഷം റിമാൻഡ് ചെയ്തു.