തിരുവനന്തപുരം: പട്ടികജാതി വികസന വകുപ്പിന് കീഴിൽ പ്രവർത്തിക്കുന്ന പോസ്റ്റ്‌മെട്രിക് ഹോസ്റ്റലുകളിലും എം.ആർ.എസുകളിലും താമസിച്ച് പഠിക്കുന്ന പ്ലസ് ടു വിദ്യാർത്ഥികൾക്കുള്ള മെഡിക്കൽ എഞ്ചിനീയറിംഗ്‌ പ്രവേശന പരീക്ഷ പരിശീലന പദ്ധതിയിലേക്ക് അപേക്ഷ ക്ഷണിച്ചു. 45 ദിവസമാണ് പരിശീലന പദ്ധതി. തിരുവനന്തപുരം ജില്ലയിലെ സന്നദ്ധരായ മികച്ച സ്ഥാപനങ്ങളിൽ നിന്നാണ് അപേക്ഷ ക്ഷണിച്ചത്.
100 വിദ്യാർത്ഥികളുടെ വീതം ബാച്ചുകളിലാണ് പരിശീലനം നൽകേണ്ടത്. അപേക്ഷിക്കുന്ന സ്ഥാപനങ്ങൾ അവരുടെ കഴിഞ്ഞ മൂന്നു വർഷത്തെ പെർഫോർമൻസ് റിപ്പോർട്ട് കൂടി ഉൾപ്പെടുത്തണം. അപേക്ഷകൾ ഡയറക്ടർ, പട്ടികജാതി വികസന വകുപ്പ്, നന്ദാവനം, വികാസ്ഭവൻ പി.ഒ, തിരുവനന്തപുരം എന്ന വിലാസത്തിലേക്ക് അയക്കണം. ഏപ്രിൽ ഏഴ് ആണ് അപേക്ഷ നൽകാനുള്ള അവസാന തീയതി. വിശദ വിവരങ്ങൾക്കായി 0471-2737253 എന്ന ഫോൺ നമ്പറിൽ ബന്ധപ്പെടാം.
Post Your Comments