മാരക മയക്കുമരുന്നായ എം.ഡി.എം.എയുമായി യുവാക്കൾ അറസ്റ്റിൽ

കൊടുങ്ങല്ലൂർ: മാരക മയക്കുമരുന്നായ എം.ഡി.എം.എയുമായി രണ്ടു യുവാക്കൾ അറസ്റ്റിൽ. കൊടുങ്ങല്ലൂർ കോതപറമ്പ് സ്വദേശി തൃപ്രയാർ കാർത്തിക് (22), ശ്രീനാരായണപുരം ചെന്തെങ്ങ് ബസാർ ചേറൂളിൽ ശ്രീരാജ് (19) എന്നിവരാണ് പിടിയിലായത്.

ശ്രീനാരായണപുരം പൊരിബസാറിൽ നിന്ന് കൊടുങ്ങല്ലൂർ ഡിവൈ.എസ്.പി സലീഷ് എൻ. ശങ്കരന്റെ നേതൃത്വത്തിലുള്ള പൊലീസ് സംഘമാണ് പിടികൂടിയത്.

ജില്ല പൊലീസ് മേധാവി ഐശ്വര്യ ഡോംഗ്രെക്ക് ലഭിച്ച രഹസ്യവിവരത്തെ തുടർന്ന് പൊലീസ് സംഘം ദേശീയപാതയിൽ പൊരിബസാറിൽ നടത്തിയ വാഹന പരിശോധനക്കിടെയാണ് പ്രതികൾ വലയിലായതെന്ന് പൊലീസ് പറഞ്ഞു. എം.ഡി.എം.എ ചില്ലറ വിൽപനക്കായി കൊണ്ടുവരുന്നതിനിടെയാണ് പ്രതികൾ പൊലീസ് പിടിയിലായത്.

Read Also : ആ നിരാശയ്ക്ക് വിരാമം: മലയാളത്തില്‍ നിന്ന് പാന്‍ ഇന്ത്യന്‍ സിനിമ ഇല്ലാത്തതിന്റെ കുറവ് നികത്താന്‍ പൃഥിരാജ്

മതിലകം എസ്.എച്ച്.ഒ ഷൈജു, എസ്.ഐ വിമൽ, കൊടുങ്ങല്ലൂർ ക്രൈം സ്ക്വാഡ് എസ്.ഐ പി.സി. സുനിൽ, ജി.എസ്.ഐ ഗോപി, എ.എസ്.ഐമാരായ സി.ആർ. പ്രദീപ്, ടി.ആർ. ഷൈൻ, ജി.എസ്.സി.പി.ഒമാരായ ലിജു ഇയ്യാനി, മിഥുൻ ആർ. കൃഷ്ണ, സി.പി.ഒമാരായ അരുൺനാഥ്‌, എ.ബി. നിഷാന്ത്, ഷിഹാബ്, ആന്റണി, ഷിജു എന്നിവരും പൊലീസ് സംഘത്തിൽ ഉണ്ടായിരുന്നു. പ്രതികളെ കോടതിയിൽ ഹാജരാക്കി.