സൗത്ത് ഇന്ത്യൻ ബാങ്ക്: എക്സിം ട്രേഡ് പോർട്ടൽ അവതരിപ്പിച്ചു

സൗത്ത് ഇന്ത്യൻ ബാങ്ക് ഉപയോക്താക്കൾക്ക് സന്തോഷ വാർത്ത. കയറ്റുമതി, ഇറക്കുമതി വ്യാപാരവുമായി ബന്ധപ്പെട്ട പണമിടപാടുകൾ എളുപ്പത്തിലാക്കാൻ പുതിയ എക്സിം ട്രേഡ് പോർട്ടൽ അവതരിപ്പിച്ചു. ‘എസ്ഐബി ടിഎഫ് ഓൺലൈൻ’ എന്ന് പേര് നൽകിയ ഈ പോർട്ടലിന്റെ സേവനം 24 മണിക്കൂറും ലഭ്യമാണ്.

കോർപ്പറേറ്റ് എക്സിം ഉപയോക്താക്കൾക്കാണ് ഈ സേവനത്തിന്റെ പ്രയോജനം കൂടുതൽ ലഭിക്കുന്നത്. ബാങ്ക് ശാഖകളിൽ നേരിട്ട് തന്നെ വിദേശ പണമിടപാടുകൾ വേഗത്തിൽ നടത്താമെന്നതാണ് ഈ പോർട്ടലിന്റെ പ്രധാന പ്രത്യേകത. സൗത്ത് ഇന്ത്യൻ ബാങ്കിന്റെ ബാങ്കിംഗ് പോർട്ടലിലെ (SIBerNet) ഹോം പേജിൽ ‘എസ്ഐബി ടിഎഫ് ഓൺലൈൻ’ സേവനം ലഭ്യമാണ്. പണമിടപാടുകൾ ആവശ്യമായ രേഖകൾ അപ്‌ലോഡ് ചെയ്ത ശേഷം നടത്താൻ കഴിയും.