ജയ്പ്പൂർ: ചൊവ്വാഴ്ച രാജസ്ഥാനിലെ ഉദയ്പൂരിൽ രണ്ട് പേർ കൊലപ്പെടുത്തിയ കനയ്യ ലാലിന്റെ മക്കൾ, ഇന്ത്യ ടുഡേയ്ക്ക് നൽകിയ അഭിമുഖത്തിൽ തങ്ങളുടെ പിതാവിന് നിരന്തരം ഭീഷണി കോളുകൾ വരാറുണ്ടെന്നും പോലീസിൽ പോലും പരാതി നൽകിയെന്നും ഇവർ വെളിപ്പെടുത്തി. കനയ്യ ലാൽ നേരിട്ട് പരാതി നൽകിയിട്ടും പൊലീസ് ഒന്നും ചെയ്തില്ലെന്നാണ് ഇവരുടെ ആരോപണം.
ഭീഷണി കോളുകളുടെ ഫലമായി അഞ്ചോ ആറോ ദിവസമായി കട അടച്ചിട്ടിരിക്കുകയായിരുന്നു, കനയ്യ ലാലിന്റെ മക്കൾ പറയുന്നതനുസരിച്ച്, കടയ്ക്കുള്ളിൽ ഒരാൾ തങ്ങളുടെ പിതാവിനെ ശാരീരികമായി ഭീഷണിപ്പെടുത്തിയതായും അവർ പറഞ്ഞു. ഉദയ്പൂരിൽ തയ്യൽക്കാരനായ കനയ്യ ലാലിനെ രണ്ടുപേർ തല വെട്ടി കൊലപ്പെടുത്തിയതിന് പിന്നാലെ കൊലയാളികൾ കുറ്റം സമ്മതിക്കുന്ന വീഡിയോ പുറത്തു വിട്ടിരുന്നു. മുൻ ബിജെപി വക്താവ് നൂപുർ ശർമ്മയെ പിന്തുണച്ച് സോഷ്യൽ മീഡിയ പോസ്റ്റിന് മറുപടിയായാണ് ഇത് ചെയ്തതെന്ന് വീഡിയോയിൽ ഇവർ പറഞ്ഞിരുന്നു.
നേരത്തെ പരാതി നൽകിയപ്പോൾ തന്നെ പോലീസ് എത്രയും വേഗം നടപടിയെടുത്തിരുന്നെങ്കിൽ തങ്ങളുടെ പിതാവ് ഇപ്പോഴും ജീവിച്ചിരിക്കുമെന്ന് ഇരയായ കനയ്യ ലാലിന്റെ മക്കളായ യാഷും തരുണും ഇന്ത്യ ടുഡേയോട് പറഞ്ഞു.‘എന്റെ പിതാവ് സോഷ്യൽ മീഡിയയിൽ അബദ്ധവശാൽ നൂപുർ ശർമയെ പിന്തുണച്ചു കൊണ്ട് ഒരു കമന്റ് ഇട്ടതിനാൽ അറസ്റ്റ് ചെയ്യപ്പെടുകയും പിന്നീട് ജാമ്യം ലഭിക്കുകയും ചെയ്തു.’
‘ഒത്തുതീർപ്പ് ചർച്ചയ്ക്കിടെ പോലീസ് സ്റ്റേഷനിലെത്തി മാപ്പ് പറയുകയും ചെയ്തിരുന്നു. എന്നാൽ ഇതിനു പിന്നാലെ, ഇയാൾക്ക് സ്ഥിരമായി ഭീഷണി കോളുകൾ വന്നിരുന്നു, അതിനായി നിരവധി തവണ പോലീസിനെ സമീപിച്ചെങ്കിലും പോലീസ് ഒരു നടപടിയും എടുത്തില്ല. തക്കസമയത്ത് നടപടി സ്വീകരിച്ചിരുന്നെങ്കിൽ ഇന്ന് ഞങ്ങളുടെ അച്ഛൻ ജീവിച്ചിരിക്കുമായിരുന്നു,’ അവർ കൂട്ടിച്ചേർത്തു.
Post Your Comments