Latest NewsNewsIndia

‘ജവഹർലാൽ നെഹ്‌റുവിനെ പരസ്യത്തിൽ നിന്ന് ഒഴിവാക്കിയതിന് കാരണം ഇത്’: കർണാടക പരസ്യ വിവാദത്തിൽ ബി.ജെ.പി

ബംഗളൂരു: കർണാടക പരസ്യത്തിൽ നിന്ന് ഇന്ത്യയുടെ ആദ്യ പ്രധാനമന്ത്രി ജവഹർലാൽ നെഹ്‌റുവിനെ ഒഴിവാക്കിയതിന് കാരണം വെളിപ്പെടുത്തി ബി.ജെ.പി. ഇന്ത്യ- പാക് വിഭജനത്തിന് കാരണമായതിനാൽ സർക്കാർ പരസ്യത്തിൽ നിന്ന് പണ്ഡിറ്റ് നെഹ്‌റുവിന്റെ ചിത്രം ബോധപൂർവ്വം ഒഴിവാക്കിയതാണെന്ന് കർണാടക ബി.ജെ.പി സംസ്ഥാന ജനറൽ സെക്രട്ടറി എൻ. രവികുമാർ പറഞ്ഞു.

പരസ്യത്തിൽ നെഹ്‌റുവിന്റെ ചിത്രം ഒഴിവാക്കിയത് ആസൂത്രിതമാണ്. സ്വാതന്ത്ര്യാനന്തരം കോൺഗ്രസ് പിരിച്ചുവിടണമെന്ന് ഗാന്ധിജി പറഞ്ഞിരുന്നു. എന്നാൽ, നെഹ്‌റു കോൺഗ്രസ് പിരിച്ചുവിട്ടില്ല. ഇക്കാരണങ്ങളാൽ അദ്ദേഹത്തിന്റെ ചിത്രം ഒഴിവാക്കുകയായിരുന്നു,’ എൻ. രവികുമാർ മാധ്യമ പ്രവർത്തകരോട് പറഞ്ഞു. ഗാന്ധിജിയുടെ വാക്കുകൾ നെഹ്‌റു ചെവിക്കൊണ്ടില്ലെന്നും അത് രാജ്യവിഭജനത്തിന് കാരണമായെന്നും എൻ. രവികുമാർ കൂട്ടിച്ചേർത്തു.

ഇന്ത്യൻ സ്വാതന്ത്ര്യ ദിനം: ആശംസകൾ നേർന്ന് ജിദ്ദ ഇന്ത്യൻ കോൺസൽ ജനറൽ

‘ടിപ്പു സുൽത്താൻ നിരവധി ക്ഷേത്രങ്ങൾ നശിപ്പിക്കുകയും ദശലക്ഷക്കണക്കിന് ആളുകളെ മതപരിവർത്തനം ചെയ്യുകയും ചെയ്തു. എന്നാൽ, എന്തുകൊണ്ടാണ് കോൺഗ്രസ് ഹിന്ദു വിരുദ്ധനായ ടിപ്പുവിന്റെ ഛായാചിത്രം സ്ഥാപിച്ചത്?,’ എൻ. രവികുമാർ ചോദിച്ചു. കോൺഗ്രസ് നേതാവ് സിദ്ധരാമയ്യ, സോണിയ ഗാന്ധിയുടെ പാവയാണെന്നും അദ്ദേഹം പറഞ്ഞു

“അധികാരം നേടാനുള്ള സോണിയാ ഗാന്ധിയുടെ പാവയാണ് സിദ്ധരാമയ്യ. സോണിയയും രാഹുലും സിദ്ധരാമയ്യയോട് ഇരിക്കാൻ പറയുന്നു. ഇരിക്കാൻ പറഞ്ഞാൽ ഇരിക്കുക, എഴുന്നേൽക്കാൻ പറഞ്ഞാൽ എഴുന്നേറ്റ് നിൽക്കുക, ആലിംഗനം ചെയ്‌സൺ പറഞ്ഞാൽ ആലിംഗനം ചെയ്യുക,’ രാഹുൽ ഗാന്ധിയുടെ സമീപകാല കർണാടക സന്ദർശന സമയത്ത് സിദ്ധരാമയ്യയെ ആലിംഗനം ചെയ്തതിന് ഡി.കെ. ശിവകുമാറിനെ വിമർശിച്ച് രവികുമാർ പറഞ്ഞു.

മുകേഷ് അംബാനിക്കും കുടുംബത്തിനും വധഭീഷണി: ഒരാൾ കസ്റ്റഡിയിൽ

ഇന്ത്യയുടെ പ്രഥമ പ്രധാനമന്ത്രി പണ്ഡിറ്റ് ജവഹർലാൽ നെഹ്‌റുവിനെ അപമാനിച്ചതിന് കർണാടക മുഖ്യമന്ത്രി ബസവരാജ് സോമപ്പ ബൊമ്മൈ മാപ്പ് പറയണമെന്ന് കോൺഗ്രസ് നേതാവ് സിദ്ധരാമയ്യ ആവശ്യപ്പെട്ടതിന് പിന്നാലെയാണ് അദ്ദേഹത്തിന്റെ പ്രതികരണം.

ബ്രിട്ടീഷുകാരോട് അടിമത്തം അവസാനിച്ചുവെന്ന് ഞങ്ങൾ കരുതിയപ്പോൾ, ഇപ്പോഴും ആർ.എസ്.എസിന്റെ അടിമയാണെന്ന് കാണിച്ച് എല്ലാവരേയും തെറ്റാണെന്ന് തെളിയിച്ചു. സർക്കാർ പരസ്യത്തിൽ പണ്ഡിറ്റ് ജവഹർലാൽ നെഹ്‌റുവിനെ സ്വാതന്ത്ര്യ സമര സേനാനികളുടെ പട്ടികയിൽ ഉൾപ്പെടുത്താത്തത് എത്ര താഴ്ന്ന പ്രവർത്തിയാണെന്ന് കാണിക്കുന്നു,’ സിദ്ധരാമയ്യ ട്വീറ്റ് ചെയ്തു.

shortlink

Related Articles

Post Your Comments


Back to top button