പത്താം ക്ലാസ് പാസായവർക്ക് ഇന്ത്യന്‍ നേവിയില്‍ അപ്രന്റീസാകാം: അപേക്ഷിക്കേണ്ട വിധം

ഡൽഹി: വിശാഖപട്ടണത്തെ നേവല്‍ ഡോക്ക്യാര്‍ഡ് അപ്രന്റിസ് സ്‌കൂളിലേക്ക് ട്രേഡ് അപ്രന്റീസിനു കീഴിലുള്ള വിജ്ഞാപനം ഇന്ത്യന്‍ നേവി പുറത്തിറക്കി. ഈ വിജ്ഞാപനത്തിലൂടെ 2023-24 ബാച്ചിലേക്കുള്ള 275 തസ്തികകളിലേക്കാണ് അപേക്ഷകള്‍ ക്ഷണിച്ചിരിക്കുന്നത്. ഇന്ത്യന്‍ നേവി അപ്രന്റിസ് റിക്രൂട്ട്മെന്റിന് താല്‍പ്പര്യവും യോഗ്യതയുമുള്ള ഉദ്യോഗാര്‍ത്ഥികള്‍ക്ക് അപേക്ഷിക്കാം. ഇതിനായി അവര്‍ apprenticeshipindia.gov.in സന്ദര്‍ശിക്കണം.

ഈ ഒഴിവുകളിലേക്കാണ് റിക്രൂട്ട്മെന്റ്

ഇലക്ട്രോണിക്സ് മെക്കാനിക്കിന്റെ 36 ഒഴിവ്
ഫിറ്റര്‍മാരുടെ 33 ഒഴിവുകള്‍
ഷീറ്റ് മെറ്റല്‍ തൊഴിലാളികളുടെ 33 ഒഴിവുകള്‍
കാര്‍പെന്ററുടെ 27 ഒഴിവുകള്‍
മെക്കാനിക്ക് (ഡീസല്‍) 23 ഒഴിവുകള്‍
പൈപ്പ് ഫിറ്ററുടെ 23 ഒഴിവുകള്‍
ഇലക്ട്രീഷ്യന്റെ 21 ഒഴിവ്
R&A/C മെക്കാനിക്ക് 15 ഒഴിവുകള്‍
വെല്‍ഡറുടെ 15 ഒഴിവുകള്‍ (ഗ്യാസ് & ഇലക്ട്രിക്)
മെഷിനിസ്റ്റിന്റെ 12 ഒഴിവുകള്‍
പെയിന്റര്‍ (ജനറല്‍) 12 ഒഴിവുകള്‍
ഇന്‍സ്ട്രുമെന്റ് മെക്കാനിക്കിന്റെ 10 ഒഴിവുകള്‍
മെക്കാനിക് മെഷീന്‍ ടൂള്‍ അറ്റകുറ്റപ്പണിയുടെ 10 ഒഴിവുകള്‍
ഫൗണ്ടറി മാന്റെ 05 ഒഴിവുള്ള തസ്തികകള്‍
വിദ്യാഭ്യാസ യോഗ്യതയും പ്രായപരിധിയും

ഇലന്തൂരില്‍ നരബലിക്കിരയായ റോസ്‌ലിയുടെ മകളുടെ ഭർത്താവ് തൂങ്ങിമരിച്ച നിലയിൽ

അപ്രന്റിസ് തസ്തികകളിലേക്കുള്ള റിക്രൂട്ട്മെന്റിനായി ഇന്ത്യന്‍ നേവി പുറപ്പെടുവിച്ച വിജ്ഞാപനം അനുസരിച്ച്, ഉദ്യോഗാര്‍ത്ഥി ഏതെങ്കിലും അംഗീകൃത സ്ഥാപനത്തില്‍ നിന്ന് 50% മാര്‍ക്കോടെ പത്താം ക്ലാസ് പാസായിരിക്കണം. ഇതോടൊപ്പം 65 ശതമാനം മാര്‍ക്കോടെയുള്ള ഐടിഐ എന്‍സിവിടി/എസ്സിവിടി സര്‍ട്ടിഫിക്കറ്റ് വേണമെന്നും നിര്‍ദ്ദേശിച്ചിട്ടുണ്ട്. കൂടാതെ അപേക്ഷകര്‍ 02/05/2009 ന് മുമ്പ് ജനിച്ചവരായിരിക്കരുത്.

2023 ജനുവരി 2 വരെ അപേക്ഷിക്കാം. അതേസമയം, രേഖകള്‍ സഹിതം അപേക്ഷ സമര്‍പ്പിക്കേണ്ട അവസാന തീയതി ജനുവരി 09 ആയി നിശ്ചയിച്ചിട്ടുണ്ട്. റിക്രൂട്ട്മെന്റിനുള്ള എഴുത്തുപരീക്ഷ 2023 ഫെബ്രുവരി 28ന് നടക്കും. മാര്‍ച്ച് മൂന്നിന് ഫലം പ്രഖ്യാപിക്കും. ഒബ്ജക്ടീവ് രീതിയിലായിരിക്കും പരീക്ഷ.

അപേക്ഷിക്കേണ്ട വിധം

ഇന്ത്യ ലോകശക്തിയാണെന്ന് തുറന്ന് പറഞ്ഞ് അമേരിക്ക, അതിവേഗം കരുത്ത് നേടിയ രാജ്യം വേറെ ഇല്ലെന്ന് വിലയിരുത്തല്‍

അപേക്ഷിക്കാന്‍ ഉദ്യോഗാര്‍ത്ഥികള്‍ ഔദ്യോഗിക വെബ്‌സൈറ്റ് apprenticeshipindia.gov.in സന്ദര്‍ശിക്കണം. ഇതിനുശേഷം, ഹോം പേജില്‍ ദൃശ്യമാകുന്ന രജിസ്റ്റര്‍ മൊഡ്യൂളില്‍ ക്ലിക്കുചെയ്യുക. ഇവിടെ നിങ്ങള്‍ ഡ്രോപ്പ് ഡൗണ്‍ മെനു കാണും.
അതില്‍ ക്ലിക്ക് ചെയ്ത് നിങ്ങളുടെ സ്വകാര്യ വിവരങ്ങള്‍ പൂരിപ്പിച്ച് രജിസ്റ്റര്‍ ചെയ്യുക.
തുടര്‍ന്ന് വെബ്സൈറ്റിന്റെ ഹോം പേജില്‍ പോയി ലോഗിന്‍ ചെയ്യുക.
ഇതിനുശേഷം, ആവശ്യപ്പെട്ട എല്ലാ വിശദാംശങ്ങളും ഉപയോഗിച്ച് ഫോം പൂരിപ്പിക്കുക.
ഫോം സമര്‍പ്പിക്കുന്നതിന് മുമ്പ്, എല്ലാ കാര്യങ്ങളും ശരിയായി പൂരിപ്പിച്ചിട്ടുണ്ടോ എന്ന് വിശദമായി പരിശോധിക്കുക.