തുർക്കിയെ വിറപ്പിച്ച് ഭൂകമ്പം: എയർപോർട്ട് റൺവേ രണ്ടായി പിളരുന്നതിന്റെ വീഡിയോ പുറത്ത്

തുർക്കിയിലും സിറിയയിലും തിങ്കളാഴ്ച ശക്തമായ മൂന്ന് ഭൂകമ്പങ്ങൾ ഉണ്ടായതിനെ തുടർന്ന് 3000 ത്തിലധികം ആളുകൾക്കാണ് ജീവൻ നഷ്ടമായത്. രാവിലെ 7.8 തീവ്രത രേഖപ്പെടുത്തിയ ഭൂകമ്പത്തെ തുടർന്ന് ഡസൻ കണക്കിന് തുടർചലനങ്ങൾ ഉണ്ടായി. സിറിയയിലെ ആഭ്യന്തരയുദ്ധത്തിൽ നിന്നും മറ്റ് സംഘർഷങ്ങളിൽ നിന്നും പലായനം ചെയ്ത ദശലക്ഷക്കണക്കിന് ആളുകൾ നിറഞ്ഞ മേഖലയിലെ പ്രധാന നഗരങ്ങളുടെ മുഴുവൻ ഭാഗങ്ങളും തുടച്ചുനീക്കപ്പെട്ടു.

തുർക്കിയിലെ ഹതായ് പ്രവിശ്യയിൽ, വിമാനത്താവളത്തിലെ ഏക റൺവേയും തകർന്ന് പൂർണ്ണമായും ഉപയോഗശൂന്യമായി. പൂർണമായും തകർന്ന റൺവേയുടെ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. ടാർമാക് രണ്ടായി പിളർന്നതായി വീഡിയോയിൽ കാണാം. ഇതോടെ എല്ലാ വിമാനത്താവളങ്ങളും അടച്ചിട്ടു. തിങ്കളാഴ്ചത്തെ ഭൂകമ്പം പതിറ്റാണ്ടുകൾക്കിടെ തുർക്കി നേരിടുന്ന ഏറ്റവും വലിയ ദുരന്തമാണെന്ന് രാജ്യത്തിന്റെ പ്രസിഡന്റ് പറഞ്ഞു.

ഭൂകമ്പ ശാസ്ത്രജ്ഞരുടെ അഭിപ്രായത്തിൽ, രാജ്യത്ത് ഇതുവരെ രേഖപ്പെടുത്തിയതിൽ വച്ച് ഏറ്റവും വലിയ ഭൂചലനമാണ് ആദ്യത്തെ ഭൂകമ്പം. 12 മണിക്കൂറിന് ശേഷം, റിക്ടർ സ്‌കെയിലിൽ 7.5 തീവ്രത രേഖപ്പെടുത്തിയ രണ്ടാമത്തെ ഭൂചലനവും ഉണ്ടായി, അതിന്റെ പ്രഭവകേന്ദ്രം കഹ്‌റമൻമാരാസ് പ്രവിശ്യയിലെ എൽബിസ്ഥാൻ ജില്ലയിലാണ്. ആയിരക്കണക്കിന് കെട്ടിടങ്ങൾ തകർന്നു. ഇതിന്റെ നിരവധി വീഡിയോകൾ പുറത്തുവന്നു. 2000 വർഷത്തിലേറെയായി നിലനിന്നിരുന്ന ചരിത്രപരമായ നാഴികക്കല്ലായ ഗാസിയാൻടെപ് കാസിൽ നിരവധി കെട്ടിടങ്ങൾ തകർന്നു. തുർക്കിയുടെ ഊർജ ഇൻഫ്രാസ്ട്രക്ചറിനും കേടുപാടുകൾ സംഭവിച്ചിട്ടുണ്ട്.

വീഡിയോ കടപ്പാട്: എൻ.ഡി.ടി.വി