മൂ​ന്ന​ര വ​യ​സു​കാ​രി​യ്ക്ക് പീഡനം : പ്ര​തി​ക്ക് 45 വ​ര്‍​ഷം ക​ഠി​ന​ത​ട​വും പിഴയും

കൊ​ച്ചി: മൂ​ന്ന​ര വ​യ​സു​ള്ള കു​ട്ടി​യെ പീ​ഡി​പ്പി​ച്ച കേ​സി​ല്‍ പ്ര​തി​ക്ക് 45 വ​ര്‍​ഷം ക​ഠി​ന​ത​ട​വ് ശിക്ഷ വി​ധി​ച്ച് കോ​ട​തി. ഉ​ദ​യം​പേ​രൂ​ര്‍ മ​ണ​ക്കു​ന്നം ചാ​ക്കു​ളം ക​ര​യി​ല്‍ വ​ട​ക്കേ താ​ന്നി​ക്ക​ക​ത്ത് വീ​ട്ടി​ല്‍ പു​രു​ഷോ​ത്ത​മ(83)നെ​യാ​ണ് കോടതി ശിക്ഷിച്ചത്. എ​റ​ണാ​കു​ളം പ്രി​ന്‍​സി​പ്പ​ല്‍ പോ​ക്‌​സോ കോ​ട​തി ജ​ഡ്ജി കെ. ​സോ​മ​ന്‍ ആണ് ശി​ക്ഷ വിധിച്ച​ത്. 80,000 പി​ഴ അ​ട​യ്ക്കാ​നും കോ​ട​തി ഉ​ത്ത​ര​വി​ട്ടു.

Read Also : സെക്വേർഡ് റിഡീമബിൾ നോൺ കൺവെർട്ടബിൾ ഡിബഞ്ചറുകളുമായി കെൽഎം ആക്സിവ ഫിൻവെസ്റ്റ്, കൂടുതൽ വിവരങ്ങൾ അറിയാം

2019-20 കാ​ല​ഘ​ട്ട​ത്തി​ലായി​രു​ന്നു കേ​സി​നാ​സ്പ​ദ​മാ​യ സം​ഭ​വം. കു​ട്ടി​ക്ക് ക​ല്‍​ക്ക​ണ്ട​വും മു​ന്തി​രി​യും ന​ല്‍​കി വ​ശീ​ക​രി​ച്ചാ​ണ് അ​മ്പ​ല​ത്തി​ലെ പൂ​ജാ​രി​യാ​യി​രു​ന്ന പ്ര​തി പീ​ഡ​ന​ത്തി​നി​ര​യാ​ക്കി​യി​രു​ന്ന​ത്. കു​ട്ടി​യു​ടെ സ്വ​ഭാവ​ത്തി​ല്‍ കാ​ര്യ​മാ​യ മാ​റ്റ​ങ്ങ​ള്‍ ക​ണ്ട​തോ​ടെ​യാ​ണ് സം​ഭ​വം പു​റത്ത​റി​യു​ന്ന​ത്. തു​ട​ര്‍​ന്ന്, കു​ട്ടി​യു​ടെ മൊ​ഴി​യി​ല്‍ ഉ​ദ​യം പേ​രൂ​ര്‍ പൊ​ലീ​സ് കേ​സെ​ടു​ത്ത് പ്ര​തി​യെ അ​റ​സ്റ്റ് ചെ​യ്യു​ക​യു​മാ​യി​രു​ന്നു.

പി​ഴ​ത്തു​ക കു​ട്ടി​ക്ക് ന​ല്‍​കാ​നും കോ​ട​തി ഉത്തരവിൽ പറയുന്നു. കൊ​ച്ചു മ​ക​ളു​ടെ പ്രാ​യം മാ​ത്ര​മു​ള്ള കു​ട്ടി​യോ​ട് പ്ര​തി ചെ​യ്ത പ്ര​വര്‍​ത്തി അ​തി​ഹീ​ന​മാ​യ​തി​നാ​ല്‍ യാ​തൊ​രു ദ​യ​യും അ​ര്‍​ഹി​ക്കു​ന്നി​ല്ലെ​ന്ന് കോ​ട​തി വി​ധി​ന്യാ​യ​ത്തി​ല്‍ ചൂണ്ടക്കാട്ടി.