മുലപ്പാൽ കുട്ടികൾക്ക് മാത്രമല്ല, മുതിർന്നവർക്കും ഗുണപ്രദം: ആരോഗ്യ ഗുണങ്ങളറിയാം

മുലപ്പാൽ അമൃതിന് തുല്യമാണ്. ജനിച്ചു വീണ കുഞ്ഞിന് ആരോഗ്യം മെച്ചപ്പെടുത്തുവാന്‍ ഏറ്റവും നല്ല ഭക്ഷണമാണ് മുലപ്പാല്‍. അത് കുടിച്ച് വളരുന്ന കുഞ്ഞുങ്ങൾക്ക് അല്ലാത്തവരെ അപേക്ഷിച്ച് രോഗ പ്രതിരോധശേഷി വളരെ കൂടുതലായിരിക്കും. എന്നാൽ, മുലപ്പാൽ കുട്ടികൾക്ക് മാത്രമല്ല മുതിർന്നവർക്കും കഴിക്കാം. നിരവധി രോഗങ്ങളെ പ്രതിരോധിക്കാൻ മുലപ്പാലിന് സാധിക്കുമെന്നാണ് ആരോഗ്യ വിദഗ്ധർ പറയുന്നത്. അടുത്തിടെ ബോളിവുഡ് താരം താഹിറ കശ്യപ് ഖുറാന തന്റെ ഒരു വെളിപ്പെടുത്തൽ നടത്തിയിരുന്നു. തന്റെ ഭർത്താവ് ആയുഷ്മാൻ ഖുറാന ഒരിക്കൽ തന്റെ മുലപ്പാൽ കുടിച്ചിട്ടുണ്ടെന്നായിരുന്നു അത്. സോഷ്യൽ മീഡിയകളിൽ ഏറെ ട്രോളുകൾക്കും പരിഹാസങ്ങൾക്കും കാരണമായ ഈ വെളിപ്പെടുത്തലിനെ ആരോഗ്യ വിദഗ്ധർ അത്ര തമാശയായിട്ടല്ല നോക്കികാണുന്നത്.

മുതിർന്നവർക്ക് ശരിക്കും മുലപ്പാൽ കുടിക്കാൻ കഴിയുമോ? അവർക്ക് ശരിക്കും എന്തെങ്കിലും പ്രയോജനമുണ്ടോ? ഉണ്ട് എന്നാണ് ഉത്തരം. മുലപ്പാൽ പോഷകാഹാരത്തിന്റെ ഒരു കലവറ തന്നെയാണ്. ഗൈനക്കോളജിസ്റ്റും വന്ധ്യതാ വിദഗ്ധനും വഡോദരയിലെ നിമയ വിമൻസ് ഹെൽത്തിലെ ഡയറക്ടറുമായ ഡോ യുവരാജ് ജഡേജയുടെ അഭിപ്രായത്തിൽ, മുതിർന്നവർക്കിടയിൽ മുലപ്പാൽ ഒരു പുതിയ ‘സൂപ്പർഫുഡ്’ ആണ്. എന്നിരുന്നാലും, ശിശുക്കൾക്ക് മുലപ്പാൽ ഗുണം ചെയ്യുമെന്ന കാര്യത്തിൽ യാതൊരു സംശയവും ഇല്ലെങ്കിലും, മുതിർന്നവരിൽ അതിന്റെ ഗുണങ്ങൾ ഇതുവരെ ഗണ്യമായി തെളിയിക്കപ്പെട്ടിട്ടില്ല എന്നതാണ് വസ്തുത.

മുലപ്പാലിൽ മനുഷ്യശരീരത്തിന് ആവശ്യമായതെല്ലാം ഉണ്ട്. കുഞ്ഞുങ്ങൾ അവരുടെ വളർച്ചയുടെ ഘട്ടത്തിൽ കഴിക്കുന്ന ഒരേയൊരു ഭക്ഷണമാണ് മുലപ്പാൽ. അതിനാൽ അത് പവർ പായ്ക്ക് ചെയ്യണം. പ്രതിരോധശേഷി, പോഷകാഹാര നിലവാരം, പേശികളുടെ വളർച്ച, ഉദ്ധാരണക്കുറവ് മുതലായവയിൽ മുലപ്പാലിന്റെ പങ്ക് വളരെ വലുതാണ്. കാൻസർ പ്രതിരോധിക്കാനും , ദഹന സംബന്ധമായ തകരാറുകൾ, രോഗപ്രതിരോധ വൈകല്യങ്ങൾ എന്നിവയൊക്കെ ഇല്ലാതാക്കാനും മുലപ്പാൽ മുതിർന്നവരെ സഹായിക്കുമെന്നാണ് ചൂണ്ടിക്കാണിക്കപ്പെടുന്നു. പൊള്ളൽ, കണ്ണിലെ അണുബാധകൾ, ഡയപ്പർ റാഷുകൾ, മുറിവുകൾ എന്നിവ ഭേദമാക്കാനും പ്രാദേശികമായി ചിലയിടങ്ങളിൽ മുലപ്പാൽ ഉപയോഗിക്കുന്നുണ്ട്. എന്നാൽ ഇതിൽ ശാസ്ത്രീയ വശങ്ങൾ ഇല്ല എന്നതാണ് സത്യം.

മുലപ്പാൽ ഉയർന്ന പ്രതിരോധശേഷി വർദ്ധിപ്പിക്കുന്നു. ഇത് വളരെ പെട്ടെന്ന് ദഹിക്കും. സാധാരണ പാലിനേക്കാൾ കൂടുതൽ എൻസൈമുകൾ ഉള്ളതിനാൽ ഇത് നിങ്ങളുടെ കുടലിന്റെ ആരോഗ്യത്തെയും നിയന്ത്രിക്കുന്നു. കൂടാതെ, മത്സ്യം കഴിച്ചില്ലെങ്കിലും ഒമേഗ -3 ന്റെ ഗുണങ്ങൾ മുലപ്പാൽ നൽകും.