ക​ഞ്ചാ​വ് ക​ച്ച​വ​ട​ത്തി​നാ​യി ക​ള്ള​നോ​ട്ട് ബാ​ങ്കി​ൽ നി​ക്ഷേ​പി​ച്ചു : ഗൂഡല്ലൂർ സ്വദേശി അറസ്റ്റിൽ

ഗൂ​ഡ​ല്ലൂ​ർ: ക​ഞ്ചാ​വ് ക​ച്ച​വ​ട​ത്തി​നാ​യി ക​ള്ള​നോ​ട്ട് ബാ​ങ്കി​ൽ നി​ക്ഷേ​പി​ച്ച ഗൂ​ഡ​ല്ലൂ​ർ സ്വ​ദേ​ശി​ ആ​ന്ധ്ര പൊ​ലീ​സിന്റെ പി​ടിയിൽ. ഗൂ​ഡ​ല്ലൂ​ർ വ​ട​വ​യ​ലി​ലെ ബി​ജു​വി(46)​നെ​യാ​ണ് ആ​ന്ധ്ര​യി​ൽ നി​ന്നെ​ത്തി​യ സ്പെ​ഷ​ൽ പൊ​ലീ​സ് ടീം ​അ​റ​സ്റ്റ് ചെ​യ്ത​ത്.

ബാ​ങ്ക് മാ​നേ​ജ​ർ നാ​രാ​യ​ണ ഷെ​ഡ്ഡി എ​ന്ന ഗോ​വി​ന്ദ​രാ​ജ് വി​ശാ​ഖ​പ​ട്ട​ണം അ​ന​ക​പ്പ​ള്ളി പൊ​ലീ​സ് സ്‌​റ്റേ​ഷ​നി​ൽ നൽകിയ പ​രാ​തിയുടെ അടിസ്ഥാനത്തിലാണ് അറസ്റ്റ് ചെയ്തത്. ആ​ന്ധ്രപ്ര​ദേ​ശി​ലെ വി​ശാ​ഖ​പ​ട്ട​ണ​ത്തു​ള്ള സ്വ​കാ​ര്യ ബാ​ങ്കി​ലെ എ.​ടി.​എ​മ്മി​ൽ 24,000 രൂ​പ​യു​ടെ ക​ള്ള​നോ​ട്ടു​ക​ൾ ആ​രോ അ​ട​ച്ച​താ​യിട്ടാണ് മാനേജർ പൊലീസിൽ പരാതി നൽകിയത്.

പ​രാ​തി​യു​ടെ അ​ടി​സ്ഥാ​ന​ത്തി​ൽ പ്ര​ത്യേ​ക അ​ന്വേ​ഷ​ണ​ത്തി​ന് രൂ​പം ന​ൽ​കി​യ വി​ശാ​ഖ​പ​ട്ട​ണം പൊ​ലീ​സ് എ.​ടി.​എം വ​ഴി പ​ണ​മി​ട​പാ​ട് ന​ട​ത്തി​യ ബാ​ങ്ക് അ​ക്കൗ​ണ്ട് പ​രി​ശോ​ധി​ച്ച് ഫെ​ബ്രു​വ​രി 12ന് ​രാ​വി​ലെ 11 മ​ണി​ക്ക് എ.​ടി.​എ​മ്മി​ൽ പ​ണ​മി​ട​പാ​ട് ന​ട​ത്തി​യ​താ​യി ക​ണ്ടെ​ത്തി. പ​ണം ഏ​ത് അ​ക്കൗ​ണ്ടി​ലേ​ക്കാ​ണ് നി​ക്ഷേ​പി​ച്ച​തെ​ന്ന് പ​രി​ശോ​ധി​ച്ച് വി​ലാ​സ​ക്കാ​ര​നെ ക​ണ്ടെ​ത്തി​യ പൊ​ലീ​സ് വി​ശാ​ഖ​പ​ട്ട​ണം ജി​ല്ല​യി​ലെ കു​മ്മാ​ടി നി​ര​ഞ്ജ​ന്റെ അ​ക്കൗ​ണ്ട് ആ​ണെ​ന്നും ക​ണ്ടെ​ത്തുകയായിരുന്നു.

Read Also : സംസ്ഥാനത്ത് ഓൺലൈൻ പരാതി പരിഹാര പോർട്ടൽ പ്രവർത്തനം തുടങ്ങി, വ്യവസായ സംരംഭകരുടെ പരാതികൾക്ക് 30 ദിവസത്തിനുള്ളിൽ പരിഹാരം

ഇ​യാ​ളെ​യും ഇ​യാ​ളു​ടെ സ​ഹാ​യി ക​ര​ടി രാ​മു​വി​നെ​യും ക​ണ്ടെ​ത്തി ചോ​ദ്യം ചെ​യ്യു​ക​യും 50,000 രൂ​പ​യു​ടെ ക​ള്ള​നോ​ട്ട് പി​ടി​ച്ചെ​ടു​ക്കു​ക​യും ചെ​യ്തു. ഇ​വ​രു​മാ​യി ക​ഞ്ചാ​വ് ക​ച്ച​വ​ടം ന​ട​ത്താ​റു​ള്ള ബി​ജു കൈ​മാ​റു​ന്ന​തും ക​ള്ള​പ്പ​ണം ആ​ണെ​ന്നും പ​രി​ശോ​ധ​ന​യി​ൽ ക​ണ്ടെ​ത്തി​യ​തി​നെ തു​ട​ർ​ന്നാ​ണ് വി​ശാ​ഖ​പ​ട്ട​ണം പൊ​ലീ​സ് ഗൂ​ഡ​ല്ലൂ​രി​ലെ​ത്തി ഗൂ​ഡ​ല്ലൂ​ർ പൊ​ലീ​സി​ന്റെ സ​ഹാ​യ​ത്തോ​ടെ ബി​ജു​വി​നെ പി​ടി​കൂ​ടി​യ​ത്.

ക​ഴി​ഞ്ഞ വ​ർ​ഷം 20 കി​ലോ ക​ഞ്ചാ​വു​മാ​യി ബി​ജു കോ​ഴി​ക്കോ​ട് പൊ​ലീ​സി​ന്റെ പി​ടി​യി​ലാ​യിരുന്നു. തുടർന്ന്, ഈ​യ​ടു​ത്താ​ണ് ഇയാൾ ജാ​മ്യ​ത്തി​ലി​റ​ങ്ങി​യ​ത്. ആ​ന്ധ്ര പൊലീസ് ഇയാളെ വി​ശാ​ഖ​പ​ട്ട​ണ​ത്തേക്ക് കൊണ്ടുപോയി.