കേരളത്തില്‍ നാല് ലക്ഷം കുടുംബങ്ങള്‍ക്ക് തണലൊരുക്കി ലൈഫ് പദ്ധതി മുന്നോട്ട്

തിരുവനന്തപുരം: കേരളത്തില്‍ നാല് ലക്ഷം കുടുംബങ്ങളുടെ സ്വപ്നം സാക്ഷാത്കരിച്ച് ലൈഫ് പദ്ധതി മുന്നേറുന്നു. പദ്ധതിക്കായി ഇതുവരെ ചെലവഴിച്ചത് 13,736.10 കോടി രൂപയാണ്. 2017 മുതല്‍ 2023 വരെയുള്ള കണക്കാണിത്. ഇതില്‍ 2024.65 കോടി രൂപയാണ് പിഎംഎവൈ ഗ്രാമീണ്‍- അര്‍ബന്‍ പദ്ധതി വഴി കേന്ദ്രം നല്‍കിയത്. ജൂലൈ 31 വരെ 3,48,026 വീടാണ് പൂര്‍ത്തിയായത്. 1,17,762 എണ്ണം നിര്‍മ്മാണത്തിലായിരുന്നു. ഇതില്‍ അരലക്ഷം വീടുകൂടി ഇപ്പോള്‍ പൂര്‍ത്തിയായിട്ടുണ്ട്. ഇതുകൂടി ചേര്‍ത്താണ് നാല് ലക്ഷത്തോളം സ്വപ്ന ഭവനങ്ങള്‍ പൂര്‍ത്തിയായത്.

Read Also: ബ​സും വാ​നും കൂ​ട്ടി​യി​ടി​ച്ച് അ​പ​ക​ടം: ഒ​രു കു​ടും​ബ​ത്തി​ലെ ഏ​ഴ് പേ​ര്‍ക്ക് ദാരുണാന്ത്യം

2024ല്‍ ഇത് അഞ്ചു ലക്ഷത്തിലേക്ക് ഉയര്‍ത്തും. 174 യൂണിറ്റുള്ള നാലു ഭവനസമുച്ചയവും ഇതിനോടകം തന്നെ പൂര്‍ത്തിയാക്കിയിട്ടുണ്ട്. 25 ഭവനസമുച്ചയത്തിന്റെ നിര്‍മ്മാണം പുരോഗമിക്കുകയാണ്. അതേസമയം, ലൈഫ് കേന്ദ്ര പദ്ധതിയാണെന്നാണ് ബിജെപിയുടെ ആരോപണമെന്ന് എല്‍ഡിഎഫ് സര്‍ക്കാര്‍ പറയുന്നു.