പത്തനാപുരം: വിദേശമദ്യവുമായി മധ്യവയസ്ക പൊലീസ് പിടിയിൽ. മുള്ളൂർ നിരപ്പ് സ്വദേശിനി ശാന്തയാണ് അറസ്റ്റിലായത്.
മുള്ളൂർ നിരപ്പ്, ഉടയഞ്ചിറ, വാഴത്തോട്ടം തുടങ്ങിയ പ്രദേശങ്ങളിൽ വ്യാപകമായി മദ്യ മയക്കുമരുന്ന് വിൽപന നടക്കുന്നതായുള്ള വിവരത്തിന്റെ അടിസ്ഥാനത്തിൽ പത്തനാപുരം പൊലീസ് നടത്തിയ പരിശോധനയിൽ ആണ് ഇവർ പിടിയിലായത്.
പത്തനാപുരം ഇൻസ്പെക്ടറുടെ നേതൃത്വത്തിലുള്ള സംഘമാണ് പരിശോധന നടത്തിയത്. ശാന്തയുടെ വീട് കേന്ദ്രീകരിച്ചാണ് അനധികൃത മദ്യക്കച്ചവടം നടന്നിരുന്നത്. മേഖലയിൽ അനധികൃത മദ്യവിൽപനയും ലഹരിവസ്തുക്കളുടെ കടത്തും കൈമാറ്റവും വ്യാപകമായി നടക്കുന്നത് സംബന്ധിച്ച് നിരവധി പരാതികൾ നാട്ടുകാർ പൊലീസിലും എക്സൈസിലും നൽകിയിരുന്നു.
കഴിഞ്ഞ ദിവസം രാവിലെ സ്ഥലത്തെ ലഹരിവില്പന സംശയിക്കുന്നവരുടെ വീടുകളിൽ പൊലീസ് റെയ്ഡ് നടത്തുകയായിരുന്നു. കോടതിയിൽ ഹാജരാക്കിയ ശാന്തയെ റിമാൻഡ് ചെയ്തു.
Post Your Comments