സരസ്വതീ മന്ത്രവും, ജീവിത വിജയവും

വിദ്യാദേവതയാണ് സരസ്വതി. സരസ്വതി ദേവിയുടെ കടാക്ഷമുണ്ടെങ്കില് വിദ്യ കൊണ്ട് വിളങ്ങാം. വിദ്യാര്ത്ഥികള് രാവിലേയും വൈകിട്ടും കുളി കഴിഞ്ഞ് പ്രാര്ത്ഥിച്ചശേഷം സരസ്വതി മന്ത്രം ജപിക്കുകയാണെങ്കില് അവരുടെ വിദ്യയും യശസ്സും വര്ദ്ധിക്കുമെന്നാണ് വിശ്വാസം.

‘സരസ്വതി നമസ്തുഭ്യം
വരദേ കാമരൂപിണി
വിദ്യാരംഭം കരിഷ്യാമി
സിദ്ധിര്ഭവതു മേ സദാ’

അര്ത്ഥം: വരങ്ങളേകുന്ന അല്ലയോ സരസ്വതി ദേവി ഞാന് നിന്നെ നമസ്ക്കരിക്കുന്നു. പഠിക്കാന് തുടങ്ങുന്ന എനിക്ക് നീ വിജയം നല്കി അനുഗ്രഹിക്കണമേ…

‘ബുദ്ധിം ദേഹി യശോദേഹി
കവിത്വം ദേഹി ദേഹിമേ
മൂഢത്വം സംഹാരദേവി
ത്രാഹിമാം ശരണാഗതം’

അര്ത്ഥം: അല്ലയോ ദേവി, എനിക്ക് ബുദ്ധി നല്കുക, പ്രശസ്തി നല്കുക, പാണ്ഡിത്യമരുളൂ, അജ്ഞതയകറ്റൂ, ഞാന് നിന്നെ ശരണാഗതി പ്രാപിക്കുന്നു.

ഈ മന്ത്രം പൊരുളറിഞ്ഞ് ഹൃദിസ്ഥമാക്കി ജപിക്കുകയാണെങ്കില് അവരുടെ മടിയും അലസതയും അകന്നുപോയി പഠനകാര്യങ്ങളില് വളരെ ശുഷ്കാന്തിയുള്ളവരായി തീരുന്നതാണെന്നും, പന്ത്രണ്ട് വയസ്സുവരെയെങ്കിലും നിര്ബന്ധമായും കുട്ടികളെക്കൊണ്ട് ഈ ശ്ലോകങ്ങള് ചൊല്ലിക്കുവാന് രക്ഷിതാക്കള് ശ്രദ്ധിക്കണമെന്നും ഇരിങ്ങാലക്കുട കൂടല്മാണിക്യം മേല്ശാന്തിയായ മണക്കാട് പരമേശ്വരന് നമ്പൂതിരി പറയുന്നു.