ക​ലാ​പ​മു​ണ്ടാ​ക്കാ​ൻ ദേ​രാ മാ​നേ​ജ്മെ​ന്‍റ് ചെലവാക്കിയത് അ​ഞ്ചു കോ​ടി രൂപ

പ​ഞ്ച്കു​ള: ക​ലാ​പ​മു​ണ്ടാ​ക്കാ​ൻ ദേ​രാ മാ​നേ​ജ്മെ​ന്‍റ് ചെലവാക്കിയത് അ​ഞ്ചു കോ​ടി രൂപ. ക​ലാ​പം അ​ന്വേ​ഷി​ക്കു​ന്ന പ്ര​ത്യേ​ക അ​ന്വേ​ഷ​ണ സം​ഘ​മാ​ണ് ഇ​ക്കാ​ര്യം വ്യക്തമാക്കിയത്. ദേ​ര സ​ച്ച സൗ​ദ നേ​താ​വ് കു​റ്റ​ക്കാ​ര​നെ​ന്നു കോ​ട​തി വി​ധി വന്നതിനു പിന്നാലെ കലാപം നടത്താനാണ് അ​ഞ്ചു കോ​ടി രൂപ ചെലവാക്കിയത്. ഉ​ത്ത​രേ​ന്ത്യ​യി​ൽ ക​ലാ​പം സൃ​ഷ്ടി​ക്കാ​നായിരുന്നു പദ്ധതി.

ദേ​ര​യ്ക്കു പു​റ​മേ പ​ഞ്ചാ​ബ് സം​സ്ഥാ​ന​ത്തി​ന്‍റെ വി​വി​ധ​യി​ട​ങ്ങ​ളി​ൽ ഗു​ർ​മീ​തി​ന്‍റെ സ​ഹാ​യി​ക​ൾ പ​ണം വി​ത​ര​ണം ചെ​യ്തു. ക​ലാ​പ​ത്തി​നി​ടെ ജീ​വ​ൻ ന​ഷ്ട​പ്പെ​ട്ടാ​ൽ ക​ന​ത്ത ന​ഷ്ട​പ​രി​ഹാ​രം ന​ൽ​കാ​മെ​ന്ന് ദേ​ര മാ​നേ​ജ്മെ​ന്‍റ് സ​മ്മ​തി​ച്ചി​രു​ന്ന​താ​യും അ​നു​യാ​യി​ക​ൾ വെ​ളി​പ്പെ​ടു​ത്തി. ചം​കൗ​റി​നെ അ​റ​സ്റ്റ് ചെ​യ്താ​ൽ മാ​ത്ര​മേ ഇ​തു​മാ​യി ബ​ന്ധ​പ്പെ​ട്ട കൂ​ടു​ത​ൽ വി​വ​ര​ങ്ങ​ൾ ല​ഭി​ക്കൂ എ​ന്ന നി​ല​പാ​ടി​ലാ​ണ് അ​ന്വേ​ഷ​ണ സം​ഘം. ദേ​ര​യു​ടെ പ​ഞ്ച്കു​ള ബ്രാ​ഞ്ച് ത​ല​വ​ൻ ചം​കൗ​ർ സിം​ഗാ​ണ് ദേ​ര മാ​നേ​ജ്മെ​ന്‍റി​ൽ​നി​ന്നു പ​ണം വാ​ങ്ങി വി​ത​ര​ണം ന​ട​ത്തി​യ​ത്. ഇ​യാ​ൾ പ​ഞ്ചാ​ബി​ലെ മൊ​ഹാ​ലി സ്വ​ദേ​ശി​യാ​ണ്. ഓ​ഗ​സ്റ്റ് 28ന് ​രാ​ജ്യ​ദ്രോ​ഹ കു​റ്റം ചു​മ​ത്തി​യ​തി​നെ തു​ട​ർ​ന്ന് ചം​കൗ​റും കു​ടും​ബ​വും ഒ​ളി​വി​ലാ​ണ്.